यहोशू 22:8 - नेवाः बाइबल

⁸ थथे धाल, “यक्‍व धन-सम्‍पत्ति व पशुतय्‌गु बथां, वहः, लुँ, कँय्, न व यक्‍व वसः ज्‍वनाः थथःगु छेँय् लिहां हुँ। छिमिसं शत्रुतय्‌गु लाकाकाःगु फुक्‍क सामान इस्राएली दाजुकिजापिन्‍त इनाब्‍यु।”

यहोशू 22:8 ပူးပေါင်းရင်းမြစ်များ

१ इतिहास 5:9

गिलादय् इमि सा द्वहंतय्‌गु ल्‍याः अप्‍वया वंगुलिं इमिसं व देशया पुर्बपाखे मरुभूमि तकया छगू इलाका कब्‍जा यात। मरुभूमि यूफ्रेटिस खुसि तक न्‍यनावंगु दु।

२ इतिहास 17:5

परमप्रभुं वयागु अधीनय् यहूदा राज्‍ययात बल्‍लाकादिल। यहूदायापिं फुक्‍कसितं वयाथाय् देछा हल। वयाके यक्‍व धन-सम्‍पत्ति दत। व नांजाःम्‍ह जुजु जुल।

२ इतिहास 32:27

हिजकिया जुजु तसकं तःमि जुल। अले सकसिनं वयात इज्‍जत याइगु। वं थःगु लुँ, वहः, मू वंगु ल्‍वहंत, मसला, ढालत व मू वंगु ज्‍वलं तयेत धुकूत दय्‌केबिल।

भजनसंग्रहया सफू 68:12

“जुजु व सिपाइँत बिस्‍युं वन। छेँय् च्‍वंपिं मिसातय्‌सं इमिसं त्‍वःताथकूगु इना काल।

हितोपदेश 3:16

बुद्धिया जव ल्‍हातय् ताः आयु, अले उकिया खव ल्‍हातय् धनसम्‍पत्ति व इज्‍जत दइ।

गन्‍ती 31:27

अले फुक्‍कयात बच्‍छि बच्‍छि यानाः छब्‍व लडाइँलय् वंपिं सेनातय्‌त ब्‍यु, मेगु ब्‍व खलःयात ब्‍यु।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

हिब्रू 11:26

मिश्रयागु दक्‍व सम्‍पत्ति स्‍वयाः मुक्ति बीम्‍ह ख्रीष्‍टया निंतिं हेला याका जुइगु हे वं तःधं ताय्‌कल, छाय्‌धाःसा व परमेश्‍वरं बीगु सिरपाः कायेत पियाच्‍वंम्‍ह खः।

१ शमूएल 30:16

अले वं लँ क्‍यँक्‍यं दाऊदयात इमिथाय् ब्‍वना यंकल। अन अमालेकीत प्‍यखेरं छ्यालब्‍याल जुयाः नयेत्‍वने यानाच्‍वन। अले पलिश्‍तीतय्‌गु व यहूदातय्‌गु लागां लुतय् यानाहःगु मालताल द्वंचिंकाः लय्‌तायाच्‍वन।

१ शमूएल 30:24

छिमिसं धाःगु खँय् सुं नं राजी जुइ फइ मखु। झीगु मालताल स्‍वयेत च्‍वनाच्‍वंपिन्‍सं नं लडाइँलय् वंपिनि ति हे ज्‍वलिंज्‍वः ब्‍वति दयेमाः।”