यहोशू 22:6 - नेवाः बाइबल

⁶ अले यहोशूं इमित सुवाः बियाः बिदा बिल, अले इपिं थथःगु छेँय् वन।

यहोशू 22:6 ပူးပေါင်းရင်းမြစ်များ

उत्‍पत्ति 14:19

वं अब्रामयात थुकथं आशिष बिल, “जिं स्‍वर्ग व पृथ्‍वी दय्‌कादीम्‍ह दक्‍वसिबय् तःधंम्‍ह परमेश्‍वरया नामं छन्‍त आशिष बी।

उत्‍पत्ति 47:10

याकूबं हाकनं छकः फारोयात आशीर्वाद बिल, अले फारोयाथासं पिहां वन।

उत्‍पत्ति 47:7

अले योसेफं थः बौ याकूबयात फारोया न्‍ह्यःने हल। याकूबं फारोयात आशीर्वाद बिल।

२ शमूएल 6:18

दाऊदं थुपिं बलित छायेधुंकाः वं दक्‍व शक्ति दुम्‍ह परमप्रभुया नामं मनूतय्‌त सुवाः बिल।

२ शमूएल 6:19

अले फुक्‍क मनूतय्‌त वा इस्राएलीतय् फुक्‍क पुचःया मिजं व मिसातय्‌त छपा छपा मरि, छगः छगः छोहरा व किसमिसया छगू छगू ज्‍वाँय् बिल। अनंलि फुक्‍क मनूत थथःगु छेँ वन।

२ शमूएल 6:20

दाऊदं थः परिवारयात सुवाः बीत वःबलय् शाऊलया म्‍ह्याय् मीकल वयात नापलायेत पिहां वयाः थथे धाल, “थौं इस्राएलया जुजुया निंतिं गज्‍याःगु गौरवया दिं! व थः दासीतय्‌गु न्‍ह्यःने पचिनांगा जुयाः वँय् थें जुल।”

१ राजा 8:66

नखः सिधय् धुंकाः सोलोमनं मनूतय्‌त छेँय् लितछ्वल। परमप्रभुं थः दास दाऊद व थः प्रजा इस्राएलयात भिं यानादीगुलिं इपिं सकलें लय्‌तायाः जुजुयात प्रशंसा यायां थथःगु छेँय् लिहां वन।

२ इतिहास 30:18

एफ्राइम, मनश्‍शे, इस्‍साखार व जबूलून कुलं वःपिं मध्‍ये यक्‍वसिनं थःत शुद्ध याःगु मदुनि। अय्‌नं इमिसं विधि स्‍वयाः अःखः वनाः छुत्‍काराया नखः हन। तर हिजकियां थथे धकाः इमिगु निंतिं प्रार्थना यात, “हे भिंम्‍ह परमप्रभु,

प्रस्‍थान 39:43

परमप्रभुं बियादीगु उजंकथं फुक्‍क ज्‍या जूगु खनाः मोशां इपिं सकसित सुवाः बिल।

लूका 2:34

अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

लूका 24:50

येशूं इमित बेथानियाय् ब्‍वना यंकादिल। अले ल्‍हाः ल्‍ह्वनाः इमित आशिष बियादिल।

यहोशू 14:13

अले यहोशूं यपुन्‍नेया काय् कालेबयात सुवाः बियाः वयात हेब्रोन शहर सर्बयकथं बिल।

यहोशू 24:28

थथे यहोशूं इमित इमिगु थथःगु सर्बयया इलाकाय् छ्वल।

१ शमूएल 10:25

अले शमूएलं मनूतय्‌त जुजुं यायेमाःगु अधिकार व ज्‍याखँया बारे धयाबिल। अले वं व छगू सफुतिइ च्‍वयाः परमप्रभुया न्‍ह्यःने तयाबिल। अनंलि वं मनूतय्‌त थथःगु छेँ हुँ धकाः बिदा बियाः छ्वत।

१ शमूएल 13:2

शाऊलं स्‍वद्वः मनूत ल्‍यल अले थःनापं मिकमाशय् व बेथेलया पहाडया देशय् निद्वः तल अले थःकाय् जोनाथननापं बेन्‍यामीन कुलया इलाका दुने गिबाय् द्वःछि छ्वत। अले ल्‍यंदुपिं मनूतय्‌त धाःसा वं छेँ तुं लित छ्वयाबिल।

१ शमूएल 2:20

एलीं एल्‍काना व वया कलाःयात सुवाः बियाः थथे धाइगु, “छिमिसं परमप्रभुयाके फ्‍वंम्‍ह थ्‍व काय्‌या पलेसा परमप्रभुं छिमित थ्‍व मिसापाखें मचाखाचात बीमाः।” अले इपिं थःगु छेँ लिहां वनीगु जुयाच्‍वन।