यहोशू 22:34 - नेवाः बाइबल

³⁴ रूबेनीत व गादीतय्‌सं, थ्‍व वेदीं परमप्रभु झी परमेश्‍वर खः धयागु साक्षी बी धकाः धयाः उकियागु नां साक्षी तल।

यहोशू 22:34 ပူးပေါင်းရင်းမြစ်များ

उत्‍पत्ति 31:47

लाबानं उकियात यगर-सहदूता नां तल, याकूबं गलेद धकाः नां तल।

उत्‍पत्ति 31:48

लाबानं धाल, “थौं थ्‍व ल्‍वहं द्वँ छंगु व जिगु दथुइ साक्षी जुयाः दनाच्‍वंगु दु।” उकिं थुकियागु नां गलेद च्‍वन।

१ राजा 18:39

थ्‍व खनाः फुक्‍क मनूतय्‌सं बँय् ग्‍वारातुलाः थथे धाल, “परमप्रभु हे परमेश्‍वर खः, परमप्रभु हे परमेश्‍वर खः!”

यशैया 19:19

व दिंखुन्‍हु मिश्र देशया दथुइ परमप्रभुया निंतिं छगू वेदी दइ अले वयागु सिमानाय् परमप्रभुया निंतिं छगू ल्‍वहंया थां तइ।

यशैया 43:10

परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्‍ययापिं दास खः।” छिमिसं जितः म्‍हसीकेगु व विश्‍वास याये फयेमा, अले जि परमेश्‍वर खः धकाः थुइके फयेमा। मेपिं द्यःतय्‌त दय्‌के न्‍ह्यः हे जि दु, मेपिं फुक्‍क द्यःत मदये धुंकाः नं जि दइ।

मत्ती 4:10

अले वय्‌कलं धयादिल – “अय् शैतान, जिगु न्‍ह्यःने च्‍वने मते, हुँ। थथे नं च्‍वयातःगु दु – “‘छं छिम्‍ह परमप्रभु परमेश्‍वरयागु जक सेवा यायेमाः। वय्‌कःयात जक मानय् यायेमाः।’”

यहोशू 22:27

उकिया पलेसा छिमि व छिमि सन्‍तानया दथुइ, पुस्‍ता पुस्‍ता तक जिमिसं धात्‍थें होमबलि, बलिदान व मेलबलि ज्‍वनाः परमप्रभुयात वय्‌कःया नापलायेगु पाल न्‍ह्यःने जक आराधना यायेत साक्षी जुइमा धकाः जिमिसं थ्‍व दय्‌काःगु दु। लिपा छिमि सन्‍तानं जिमि सन्‍तानयात, ‘छिमिगु परमप्रभुनापं छुं ज्‍या मदु धकाः मधायेमा।’

यहोशू 24:27

यहोशूं फुक्‍क मनूतय्‌त धाल, “स्‍व! थ्‍व ल्‍वहं झीगु साक्षी जुइ। थुकिं छिमित थ्‍व बाचा लुमंकाबी। छिपिं परमेश्‍वरपाखें तापाना मवंसें न्‍ह्याबलें परमेश्‍वरया आज्ञा पालन यानाच्‍वनी।”