यहोशू 22:31 - नेवाः बाइबल

³¹ अले पुजाहारी एलाजारया काय् पीनहासं इमित धाल, “परमप्रभु झीपिंलिसें दी धकाः थौं जिमिसं सिल, छाय्‌धाःसा थ्‍व खँय् छिमिसं परमप्रभुयात ध्‍वंलाःगु मदु। आः धाःसा छिमिसं इस्राएलीतय्‌त परमप्रभुया ल्‍हातं बचय् याःगु दु।”

यहोशू 22:31 ပူးပေါင်းရင်းမြစ်များ

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

एज्रा 7:5

बुक्‍की अबीशूया काय् खः। अबीशू पीनहासया काय् खः। पीनहास एलाजारया काय् खः। एलाजार दकलय् तःधंम्‍ह पुजाहारी हारूनया काय् खः।

भजनसंग्रहया सफू 68:17

परमेश्‍वर थःगु बबल्‍लाःगु द्वलंद्वः रथया दथुइ च्‍वनाः परमेश्‍वर सीनै पहाडं पवित्र थासय् झाइ।

प्रस्‍थान 25:8

“जि इमिगु दथुइ च्‍वनेत इमिसं जिगु निंतिं छगू नापलायेगु पाल दय्‌केमाः।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

जकरिया 8:23

दक्‍व शक्ति दुम्‍ह परमप्रभुं थथे धयादी, “उबलय् मेमेगु जातियापिं व मेमेगु भाय् ल्‍हाइपिं झिम्‍ह मनू छम्‍ह यहूदी मिजंयाथाय् वयाः लंकू ज्‍वनाः थथे धाइ, ‘जिपिं नं छिलिसे वने, छाय्‌धाःसा छिलिसे परमेश्‍वर दु धकाः जिमिसं न्‍यनागु दु।’”

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

१ कोरिन्‍थी 14:25

वयागु नुगलय् च्‍वंगु गुप्‍ति खँ नं सी दइ। अले वं “धात्‍थें हे परमेश्‍वर छिपिंनाप दी खनी” धकाः क्‍वछुनाः परमेश्‍वरयात तःधंकी।

यहोशू 22:30

रूबेन, गाद व मनश्‍शे कुलयापिं मनूतय्‌सं धाःगु खँ न्‍यनाः पुजाहारी पीनहास व इस्राएलया खलःया नायःत लय्‌ताल।

यहोशू 22:32

अले एलाजार पुजाहारीया काय् पीनहास व उपिं कुलनायःत गिलाद देशयापिं रूबेनी व गादीत नाप लाये धुंकाः कनानय् लिहां वल। अले इस्राएलीतय्‌त अन जूगु खँ कन।

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।