यहोशू 22:29 - नेवाः बाइबल

²⁹ “धात्‍थें जिमिसं परमप्रभुयागु विरोधय् विद्रोह याये मखु। वय्‌कःयात मानय् यायेगु त्‍वःते नं मखु। परमप्रभुया पवित्र पालया न्‍ह्यःने दुगु परमप्रभु झी परमेश्‍वरयागु वेदी बाहेकं होमबलि, अन्‍नबलि व बलिदान छायेत मेगु वेदी जिमिसं दय्‌के मखु।”

यहोशू 22:29 ပူးပေါင်းရင်းမြစ်များ

उत्‍पत्ति 44:17

योसेफं धाल, “जिगुपाखें अथे जुइ मखु। ख्‍वला सुयाके लुयावःगु खः व हे जक जिम्‍ह दास जुइ। छिपिं फुक्‍क थः बौयाथाय् याउँक लिहां हुँ।”

उत्‍पत्ति 44:7

इमिसं वयात धाल, “थ्‍व छु धयादियागु, प्रभु! छि दासतय्‌सं ला अथे याये हे फइ मखु।

१ राजा 21:3

नाबोतं लिसः बिल, “थ्‍व दाखक्‍यब छितः बी मखु। थ्‍व जिगु पुर्खाया सर्बय खः। परमप्रभुं अथे जुइके नं बिया मदीमा।”

२ राजा 18:22

अले छं जितः “जिमिसं ला परमप्रभु जिमि परमेश्‍वरयागु भर कयागु दु” धकाः धाःसा छु! व व हे मखु ला गुम्‍हय्‌सिगु पुजा यायेगुथाय् व वेदीत हिजकियां चीकाः यहूदा व यरूशलेमयात थथे धाःगु खः, “छिमिसं यरूशलेमय् थ्‍व वेदीया न्‍ह्यःने आराधना यायेमाः।”

२ इतिहास 32:12

छु हिजकिया थःम्‍हं हे छिमि पुजा यायेगुथाय् व वेदीत स्‍यंकाः यहूदा व यरूशलेमयापिं मनूतय्‌त ‘छगू हे जक वेदीइ पुजा या! अले अन जक बलि ब्‍यु’ धकाः धाःगु मखु ला?

रोमी 3:6

थथे जुइ फइ मखु। थथे खःसा परमेश्‍वरं संसारयात गथे यानाः न्‍याय यानादी?

रोमी 6:2

अथे मखु। पापयागु निंतिं झीपिं सीधुंकाः हानं पापय् तुं गथे म्‍वानाच्‍वनेगु?

रोमी 9:14

थ्‍व खँय् झीसं छु धायेफु? थथे धायेवं तुं परमेश्‍वरं अन्‍याय यानादी ला? अथे ला गुब्‍सं नं यानादी मखु।

व्‍यवस्‍था 12:11

अन हे परमप्रभु छिमि परमेश्‍वरं थःगु नां तयेत ल्‍ययादीगु थासय् छिमित जिं आज्ञा बियागु छिमिगु होमबलि, मेमेगु बलित, झिब्‍वय् छब्‍व, थः यःछि बलि अले छिमिसं परमेश्‍वरयात बी धकाः भाकल याःगु भिंगु भिंगु देछा हजि।

यहोशू 22:23

परमप्रभुया ल्‍यू वनेगु त्‍वःताः जिमिसं थःगु निंतिं होमबलि वा अन्‍नबलि वा मेलबलि छायेत वेदी दय्‌काःगु दुसा, परमप्रभु थःम्‍हं हे जिमित सजाँय बियादीमा।

यहोशू 22:26

“अथे जुयाः जिमिसं थथे धया, ‘झीसं छगू वेदी दय्‌केनु, व होमबलि व बां बीत मखु।’

यहोशू 22:28

“अले जिमिसं धया कि इमिसं जिमित वा जिमि सन्‍तानयात लिपा अथे धाल धाःसा जिमिसं थथे धाये, ‘झी पुर्खातय्‌सं होमबलि व बलिदान छायेत मखु तर जिमिगु व छिमिगु दथुइ साक्षीकथं दय्‌कूगु परमप्रभुया वेदी थें च्‍वंक दय्‌कूगु थ्‍व वेदीयात स्‍व।’

यहोशू 22:30

रूबेन, गाद व मनश्‍शे कुलयापिं मनूतय्‌सं धाःगु खँ न्‍यनाः पुजाहारी पीनहास व इस्राएलया खलःया नायःत लय्‌ताल।

यहोशू 24:16

अले मनूतय्‌सं धाल, “परमप्रभुयात त्‍वःताः जिमिसं गुबलें नं मेपिं द्यःतय्‌त पुजा याये मखु।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।