यहोशू 22:25 - नेवाः बाइबल

²⁵ हे रूबेनी व गादीत, परमप्रभुं जिमिगु व छिमिगु दथुइ यर्दन खुसियात सिमाना दय्‌कादिल। आः परमप्रभुनापं छिमिगु छुं ज्‍या मदु।’ थथे धयाः छिमि सन्‍तानं जिमि सन्‍तानयात परमप्रभुया आराधना याकेमबी फु।

यहोशू 22:25 ပူးပေါင်းရင်းမြစ်များ

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

१ राजा 12:16

जुजुं थःगु खँ मन्‍यंगु खनाः फुक्‍क इस्राएल चिल्‍लाय् दनाः हाल, “छु झीपिं दाऊदया परिवारया ब्‍वः खः ला? यिशैया काय्‌याके झीगु छुं अधिकारया भाग मदु। हे इस्राएल, थथःगु पालय् हुँ! हे दाऊद, छं थःगु हे छेँ स्‍व!” अनंलि इस्राएलयापिं मनूत थथःगु छेँय् वन।

१ राजा 14:16

यारोबामं याःगु पाप व वं इस्राएलीतय्‌त याकूगु पापं यानाः परमप्रभुं इस्राएलयात त्‍वःतादी।”

१ राजा 15:30

यारोबाम थःम्‍हं हे याःगु पाप व इस्राएलीतय्‌त याकेब्‍यूगु पापं यानाः परमप्रभु, इस्राएलया परमेश्‍वरयात तंचाय्‌कूगुलिं थथे जूगु खः।

नहेम्‍याह 2:20

जिं इमित थथे लिसः बिया, “स्‍वर्गयाम्‍ह परमेश्‍वरं जिमित ताःलाकादी। जिपिं वय्‌कःया दासतय्‌सं शहर व पखाः हाकनं दय्‌केगु ज्‍या शुरु याये त्‍यनागु दु। अय्‌नं यरूशलेमया छुं नं भागय् वा सम्‍पत्तिइ छिमिगु अधिकार मदु।”

भजनसंग्रहया सफू 16:5

परमप्रभु, छि हे जिगु सर्बय खः, जितः माःगु फुक्‍कं छिं बियादीगु दु। छिं जिगु भाग्‍य सुरक्षित तयादीगु दु।

प्रेरित 8:21

थ्‍व ज्‍याखँय् छं ल्‍हाः तये फइ मखु, छाय्‌धाःसा परमेश्‍वरयागु न्‍ह्यःने छंगु नुगः वँचु।

यहोशू 22:24

“अथे मखु, लिपा छिमि सन्‍तानं जिमि सन्‍तानयात थथे धाइ धकाः जिपिं ग्‍याः, ‘परमप्रभु इस्राएलयाम्‍ह परमेश्‍वरनापं छिमिगु छु ज्‍या दु?

यहोशू 22:26

“अथे जुयाः जिमिसं थथे धया, ‘झीसं छगू वेदी दय्‌केनु, व होमबलि व बां बीत मखु।’

यहोशू 22:27

उकिया पलेसा छिमि व छिमि सन्‍तानया दथुइ, पुस्‍ता पुस्‍ता तक जिमिसं धात्‍थें होमबलि, बलिदान व मेलबलि ज्‍वनाः परमप्रभुयात वय्‌कःया नापलायेगु पाल न्‍ह्यःने जक आराधना यायेत साक्षी जुइमा धकाः जिमिसं थ्‍व दय्‌काःगु दु। लिपा छिमि सन्‍तानं जिमि सन्‍तानयात, ‘छिमिगु परमप्रभुनापं छुं ज्‍या मदु धकाः मधायेमा।’

१ शमूएल 26:19

हे प्रभु जिमि जुजु, जिं छु धायेत्‍यनागु दु बांलाक ध्‍यान बियाः न्‍यनादिसँ। थथे परमप्रभुं हे छितः जिगु विरोधय् याकेब्‍यूगु खःसा जितः वय्‌कःयात छगू भेटी छाय्‌के बियादिसँ सके वय्‌कःया मन हिलिला। तर छुं जुयाः थ्‍व मनूतय्‌सं याकूगु जूसा इमित परमप्रभु सराः लायेमा। छाय्‌धाःसा थौं ‘वं मेपिं द्यःतय्‌गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।