यहोशू 22:24 - नेवाः बाइबल

²⁴ “अथे मखु, लिपा छिमि सन्‍तानं जिमि सन्‍तानयात थथे धाइ धकाः जिपिं ग्‍याः, ‘परमप्रभु इस्राएलयाम्‍ह परमेश्‍वरनापं छिमिगु छु ज्‍या दु?

यहोशू 22:24 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

उत्‍पत्ति 30:33

जि गुलि इमानजमान दुम्‍ह धकाः छिं लिपा नं सीकाकाये फइ। छिं जितः ज्‍याला ब्‍यूगु फैचात व च्‍वलय्‌चात स्‍वः झासँ, उकी छम्‍ह हे जक च्‍याःमथाःम्‍ह च्‍वलय् व हाकु मजूम्‍ह फैचा लुल धाःसा जिं खुयाहःगु जुइ।”

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

व्‍यवस्‍था 6:20

लिपाया इलय् छिमि काय्‌नं “परमप्रभु झी परमेश्‍वरं बियादीगु थुपिं आज्ञा, नियम व विधितय्‌गु मतलब छु खः?” धकाः न्‍यनीबलय्

यहोशू 22:23

परमप्रभुया ल्‍यू वनेगु त्‍वःताः जिमिसं थःगु निंतिं होमबलि वा अन्‍नबलि वा मेलबलि छायेत वेदी दय्‌काःगु दुसा, परमप्रभु थःम्‍हं हे जिमित सजाँय बियादीमा।

यहोशू 22:25

हे रूबेनी व गादीत, परमप्रभुं जिमिगु व छिमिगु दथुइ यर्दन खुसियात सिमाना दय्‌कादिल। आः परमप्रभुनापं छिमिगु छुं ज्‍या मदु।’ थथे धयाः छिमि सन्‍तानं जिमि सन्‍तानयात परमप्रभुया आराधना याकेमबी फु।

यहोशू 4:6

छिमिगु दथुइ थुपिं ल्‍वहंत छगू चिं जुइमा। लिपा छिमि मचाखाचातय्‌सं, ‘थुपिं ल्‍वहंतय्‌गु अर्थ छु खः?’ धकाः न्‍यन धाःसा