यहोशू 22:22 - नेवाः बाइबल

²² “परमप्रभु परमेश्‍वर दकलय् बल्‍लाःम्‍ह खः! वय्‌कः परमप्रभु खः, परमप्रभु परमेश्‍वर दकलय् बल्‍लाःम्‍ह खः! छाय् झीसं थ्‍व ज्‍या यानागु खः धकाः वय्‌कलं स्‍यू अले इस्राएलं नं सीमा! जिमिसं विद्रोह यानाः परमप्रभुयागु खँ मन्‍यनागु दुसा जिमित आः हे स्‍यानाछ्व।

यहोशू 22:22 ပူးပေါင်းရင်းမြစ်များ

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

अय्‍यूब 10:7

खःला जि छुं दोष मदुम्‍ह खः, अले छिगु ल्‍हातं सुनानं जितः बचय् याये फइ मखु धकाः छिं स्‍यू।

अय्‍यूब 23:10

तर वय्‌कलं जिगु फुक्‍क पहःचहः स्‍यू। वय्‌कलं जितः जाँचय् यानादीबलय् जि लुँ थें जुयाः पिहां वये।

अय्‍यूब 31:22

जिं अथे यानागु दुसा जिगु ब्‍वहः कुतुं वनेमा अले जिगु लप्‍पा साहालं चबुइमा।

भजनसंग्रहया सफू 136:2

द्यःतय् परमेश्‍वरयात सुभाय् ब्‍यु, वय्‌कःया दया माया सदां दयाच्‍वनी।

भजनसंग्रहया सफू 37:6

वय्‌कलं छंगु विश्‍वासयात जः थें अले छ सत्‍यम्‍ह खः धकाः न्‍हिनय्‌सिया निभाः थें क्‍यनादी।

भजनसंग्रहया सफू 40:9

हे परमप्रभु, तःधंगु सभाय् जिं सकसितं छि जिमित बचय् यानादीम्‍ह खः धकाः न्‍यंका। छिं सि हे स्‍यू, थ्‍व खँ कनेत जि गुबलें नं लिचिले मखु।

भजनसंग्रहया सफू 44:21

परमेश्‍वरं थ्‍व खँ सि हे सी। छाय्‌धाःसा वय्‌कलं फुक्‍कसिगु नुगलय् दुने च्‍वंगु खँ स्‍यू।

भजनसंग्रहया सफू 44:22

अय्‌नं जिपिं छिगु लागि न्‍हिथं सी मालाच्‍वंगु दु। स्‍यायेत हःपिं फैतय्‌त थें जिमित व्‍यवहार याइगु।

भजनसंग्रहया सफू 50:1

दक्‍व शक्ति दुम्‍ह परमप्रभु परमेश्‍वरं पुर्बंनिसें पच्‍छिम तक संसारय् च्‍वंपिं फुक्‍क मनूतलिसे नवानादीगु दु, अले सःतादीगु दु।

भजनसंग्रहया सफू 82:1

परमेश्‍वर स्‍वर्गया सभाया नायः जुयादी, द्यःतय् दथुइ वय्‌कलं फैसला यानादी।

भजनसंग्रहया सफू 95:3

परमप्रभु तःधंम्‍ह परमेश्‍वर खः, फुक्‍क द्यःतय् च्‍वय् तःधंम्‍ह जुजु खः।

भजनसंग्रहया सफू 97:7

मूर्ति पुजा याइपिं, मूर्तितय्‌गु बारे घमण्‍ड याइपिं सकलें मछाले माली। परमप्रभुया न्‍ह्यःने फुक्‍क द्यःतय्‌सं छ्यं क्‍वछुकाः आराधना याइ।

प्रस्‍थान 18:11

मिश्रीतय्‌सं इस्राएलीतय्‌त क्‍वह्यंकूगुलिं परमप्रभुं इमित अथे यानादीगु दु। आः जिं परमप्रभु मेपिं द्यःत स्‍वयाः तःधंम्‍ह खः धकाः सिल।”

यर्मिया 12:3

तर हे परमप्रभु, छिं ला जितः म्‍हस्‍यू। छिं जितः खं, छिं जिगु मनयात जाँचय् यानादी। स्‍यायेत यंकीपिं फैतय्‌त थें इमित साला यंकादिसँ! स्‍याइगु दिंया लागि इमित अलग तयादिसँ!

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

मीका 7:9

परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।

मलाकी 3:18

अले धर्मी व दुष्‍ट, वय्‌कःयागु सेवा याइम्‍ह व मयाइम्‍हय्‌सिगु दथुइ छु पा व छिमिसं हाकनं खनी।

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

प्रेरित 1:24

अले इमिसं थथे प्रार्थना यात – “मनूतय्‌गु नुगलय् दुने च्‍वंगु खँ स्‍यूम्‍ह प्रभु, थुपिं निम्‍हय् गुम्‍हय्‌सित छिं ल्‍ययादिया, जिमित क्‍यनादिसँ।

प्रेरित 25:11

जिं ज्‍यान सजाँय बीमाय्‌क छुं मभिंगु यानागु दुसा जि सीत नं न्‍ह्यचिलागु दु। इमिसं जितः पाः याःगु छुं नं सत्‍य मखुसेंलि जितः सुनानं इमिगु ल्‍हातय् लाके फइ मखु। जिं कैसरयात बिन्‍ति याये।”

२ कोरिन्‍थी 11:11

छिमित मयःगुलिं जिं थथे धयाच्‍वना धकाः छिमिसं मतिइ तइ। जिं छिमित माया या कि मया धकाः परमेश्‍वरं स्‍यू।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।

व्‍यवस्‍था 10:17

परमप्रभु छिमि परमेश्‍वर हे ईश्‍वरतय्‌ परमेश्‍वर व प्रभुतय् नं प्रभु, अले दकलय् तःधंम्‍ह परमेश्‍वर खः। वय्‌कः ख्‍वाः स्‍वयाः ज्‍या यानामदीम्‍ह, घुस नयाःमदिम्‍ह, तःधंम्‍ह व भय कायेमाःम्‍ह परमेश्‍वर खः।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

यहोशू 22:21

रूबेन, गाद व मनश्‍शेया बच्‍छि कुलयापिन्‍सं इस्राएलया कुल कुलया नायःतय्‌त लिसः बिल,

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

१ शमूएल 15:23

वय्‌कःया आज्ञा मानय् मयायेगु हे तन्‍त्रमन्‍त्र यायेगु पाप थें खः, अले तःधंछुइगु मूर्ति पुज्‍यायेगु ति हे मभिंगु खः। छिसं परमप्रभुया वचनयात त्‍वथूगु दु, अथे जुयाः परमप्रभुं नं छितः जुजुया सिंहासनं लिकयादीगु दु।”

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।