यहोशू 22:20 - नेवाः बाइबल

²⁰ जेरहया काय् आकानं देछायेमाःगु धनमालयागु खँय् विश्‍वासघात याःबलय् इस्राएलया फुक्‍क खलः खनाः परमप्रभु तंचायादीगु, मखु ला? आकानयागु पापया सजाँय वयात जक लाःगु मखु, मेपिन्‍त नं लात।’”

यहोशू 22:20 ပူးပေါင်းရင်းမြစ်များ

२ इतिहास 24:18

इमिसं परमप्रभु थः पुर्खातय् परमेश्‍वरया देगःयात त्‍वःताः अशेरा द्यःमय्‌जुया थांत व मेमेगु मूर्तिया पुजा यात। इमिगु अपराधया कारणं यहूदा व यरूशलेमय् परमेश्‍वरया तं लात।

अय्‍यूब 35:8

छिगु मभिंगु ज्‍यां ला छि थें जाःम्‍ह सीमानिम्‍ह मनूयात जक थी। छिगु धार्मिकतां ला मनूया सन्‍तानयात जक लिच्‍वः लाकी।

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

१ कोरिन्‍थी 10:6

इमित थथे यानादीगुलिं झीसं नं इमिसं थें मूर्ति पुजा यायेगु, बांमलाःगु मभिंगु मतिइ तये मज्‍यू धकाः थुकिं बांलाक सी दु। इमिगु थ्‍व हे खँ धर्मशास्‍त्रय् नं थथे च्‍वयातःगु दु – “इपिं फ्‍यतुनाः भ्‍वय् नयेत्‍वने धुंकाः दनाः यःयःथें सन।”

यहोशू 22:21

रूबेन, गाद व मनश्‍शेया बच्‍छि कुलयापिन्‍सं इस्राएलया कुल कुलया नायःतय्‌त लिसः बिल,

यहोशू 7:1

तर देछायेमाःगु धनमालया बारे इस्राएलीत विश्‍वास यायेबहः मजुल, यहूदा कुलयाम्‍ह जेरहया छुइ, जब्‍दीया छय् व कर्मीया काय् आकानं देछायेमाःगु धनमालं छुं काल। अथे जुयाः इस्राएलीत खनाः परमप्रभु तसकं तंचायादिल।

यहोशू 7:18

अले छेँजःयापिं मिजंत छम्‍ह छम्‍ह न्‍ह्यःने हल। यहूदा कुलया कर्मीया काय् आकानयात ज्‍वन (कर्मी जब्‍दीया काय् खः, जब्‍दी जेरहया काय् खः)।

यहोशू 7:24

अले यहोशू व सकल इस्राएलीतय्‌सं जेरहया काय् आकानयात व वहः, गा, लुँयागु कथि, वया काय्‌म्‍ह्याय्‌पिं, वया सा द्वहं, गधात व फैत, पाल अले वयाके दुगु फुक्‍क धनमालनापं आकोरया न्‍हसिकापय् हल।

यहोशू 7:5

ऐयापिं मनूतय्‌सं इमि स्‍विखुम्‍ह ति मनूतय्‌त स्‍यात। इमिसं शहरया मू ध्‍वाखांनिसें ल्‍वहं लिकाय्‌गु थाय् तक लिनाः तँचाय् इस्राएलीतय्‌त स्‍यात। अनंलि ग्‍यानाः इस्राएलीतय्‌गु नुगः भाराभारा मिन।

२ पत्रुस 2:6

अथे हे सदोम व गमोरा धाःगु शहरतय्‌त नं परमेश्‍वरं मिं छ्वय्‌काः भस्‍म यानादिल। मभिंपिं मनूत फुक्‍कं अज्‍याःगु हे गति जुयाः सिनावनेमाली धकाः संसारय् च्‍वंपिं मनूतय्‌त ख्‍याच्‍वः बियादिल।