यहोशू 22:19 - नेवाः बाइबल

¹⁹ छिमिगु थःगु जमिन अशुद्ध जूगु दुसा परमप्रभुया पवित्र पाल दुगु परमप्रभुया देशय् वा, जिमिगु जमिन जिपिंनापं इनाका। तर परमप्रभु झी परमेश्‍वया वेदी दय्‌कं हाकनं मेगु वेदी दय्‌काः परमप्रभुयागु व जिमिगु विरोध याये मते।

यहोशू 22:19 ပူးပေါင်းရင်းမြစ်များ

२ इतिहास 11:13

इस्राएलया उत्तर कुलयापिं फुक्‍क थथःगु जिल्‍लाय् च्‍वनाच्‍वंपिं पुजाहारीत व लेवीत नं रहबामया पंलित।

प्रस्‍थान 15:17

छिं इमित हयाः थःम्‍हं ल्‍ययातःगु पर्वतय् पिनादी, हे परमप्रभु, छिं थः हे च्‍वनेत दय्‌कादीगु थासय् अले छिं थःगु हे ल्‍हातं दय्‌कादीगु नापलायेगु पाल लागाय् इमित तयादी।

दानिएल 10:13

तर फारस देशयाम्‍ह शासकं निइछन्‍हु तक जिगु विरोध यात। अनंलि अन लिबाकागुलिं छम्‍ह मू स्‍वर्गदूत मिखाएल जितः ग्‍वाहालि बीत वल, छाय्‌धाःसा जितः फारसयाम्‍ह शासकनापं त्‍वःतूगु खः।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”

यहोशू 18:1

इस्राएलीतय् फुक्‍क खलः शीलोय् मुन, अले अन नापलायेगु पाल ग्‍वल। छाय्‌धाःसा देश इमिगु ल्‍हातय् वये धुंकूगु दु।

यहोशू 22:11

रूबेनी, गादी व मनश्‍शेया बच्‍छि कुलं कनानया सिमानाय् गलीलोतय् यर्दनया लिक्‍क इस्राएलीतय्‌गु भागय् वेदी दय्‌कल धयागु खँ न्‍यनाः