यहोशू 22:16 - नेवाः बाइबल

¹⁶ “परमप्रभुया फुक्‍क खलकं थथे धाःगु दु, ‘छिमिसं थथे छाय् परमेश्‍वरयात ध्‍वंलानागु? थौं छिमिसं गय् यानाः परमप्रभुया विरोधय् विद्रोही जुयाः वय्‌कःयात त्‍वःताः थःगु लागि वेदी दय्‌केफुगु?

यहोशू 22:16 ပူးပေါင်းရင်းမြစ်များ

एज्रा 8:22

जिं जुजुयात, “जिमि परमेश्‍वरं वय्‌कःयाके भलसा तइपिं सकसितं सुवाः बियादी अले वय्‌कःयात त्‍वःतूपिं मनूतय्‌के वय्‌कःया तं दयाच्‍वनी” धकाः धाये धुंकूगु जुयाः आः जिमित लँय् शत्रुतपाखें रक्षा यायेत जुजुयाके सलगइपिं सिपाइँत फ्‍वनेत जि मछाल।

लेवी 17:8

“अले छं इमित थथे धा, ‘इस्राएलीत व इपिं नापं च्‍वनाच्‍वंपिं परदेशीत मध्‍ये सुनानं होमबलि वा मेगु न्‍ह्यागुं बलि छायेबलय्,

गन्‍ती 32:15

छिपिं हाकनं वय्‌कःया ल्‍यूल्‍यू जुइगुपाखें फःहिला वन धाःसा वय्‌कलं थुपिं फुक्‍क मनूतय्‌त हाकनं मरुभूमिइ त्‍वःतादी। अले इमिगु नाशया कारण छिपिं जुइ।”

व्‍यवस्‍था 12:11

अन हे परमप्रभु छिमि परमेश्‍वरं थःगु नां तयेत ल्‍ययादीगु थासय् छिमित जिं आज्ञा बियागु छिमिगु होमबलि, मेमेगु बलित, झिब्‍वय् छब्‍व, थः यःछि बलि अले छिमिसं परमेश्‍वरयात बी धकाः भाकल याःगु भिंगु भिंगु देछा हजि।

यहोशू 22:11

रूबेनी, गादी व मनश्‍शेया बच्‍छि कुलं कनानया सिमानाय् गलीलोतय् यर्दनया लिक्‍क इस्राएलीतय्‌गु भागय् वेदी दय्‌कल धयागु खँ न्‍यनाः

यहोशू 22:15

इपिं रूबेनी, गादी व मनश्‍शेया बच्‍छि कुलयाथाय् गिलाद देशय् थ्‍यनाः इमित थथे धाल,

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।