यहोशू 2:9 - नेवाः बाइबल

⁹ अले वं इमित धाल, “परमप्रभुं थ्‍व देश छिकपिन्‍त बियादीगु दु धकाः जिं स्‍यू। छिपिं खनाः थ्‍व देशयापिं सकलें मनूत तसकं ग्‍यानाच्‍वंगु दु, छिकपिन्‍सं यानाः इपिं ग्‍यानाः थुरथुर खानाच्‍वंगु दु।

यहोशू 2:9 ပူးပေါင်းရင်းမြစ်များ

उत्‍पत्ति 35:5

इपिं अनं वँसेंलि परमेश्‍वरं इमिगु जवंखवं च्‍वंगु शहरयात ग्‍याःचिकुं भुनाबिल। अले सुनानं याकूब व वया मनूतय्‌त लीमफुत।

२ शमूएल 17:10

थुकथं जुइबलय् न्‍ह्याथें ज्‍याःम्‍ह बल्‍लाःम्‍ह व सिंहया थें ज्‍याःगु नुगः दुम्‍ह मनू जूसां नं ग्‍याइ छाय्‌धाःसा फुक्‍क इस्राएलं छिकपिनि अबु तसकं बल्‍लाःम्‍ह सिपाइँ खः धकाः स्‍यू। अले वया सिपाइँत नं तसकं बल्‍लाःपिं खः।

२ राजा 5:15

थः सकलें च्‍यःतनापं परमेश्‍वरया मनूयाथाय् वयाः वं थथे धाल, “आः जिं इस्राएलय् बाहेक संसारय् गन नं परमेश्‍वर मदु धकाः सिल। उकिं आः थः दासपाखें छगू कोस्‍यलि कयादिसँ।”

२ राजा 7:6

सल व रथ ज्‍वनाः छगू तःधंगु सेना न्‍ह्यज्‍याना वयाच्‍वंगु थें ज्‍याःगु सः अरामीतय्‌सं ताःगुलि थथे जूगु खः। परमेश्‍वरं हे अथे याकादीगु खः। इमिसं थवंथः धाल, “स्‍व, इस्राएली जुजुं झीत हमला यायेत हित्ती व मिश्रया जुजुपिन्‍त धिबा पुलाः हःगु दु।”

नहेम्‍याह 6:16

जिमि शत्रुतय्‌सं थ्‍व खँ न्‍यंबलय् अले जःखः च्‍वंपिं फुक्‍क मेगु जातियापिन्‍सं थ्‍व खंबलय् इपिं तसकं लज्‍या चाल। अले थ्‍व ज्‍या जिमि परमेश्‍वरया ग्‍वाहालिं पूवंगु खः धकाः इमिसं सिल।

एस्‍तर 8:17

जुजुया उजं पौ थ्‍यंगु फुक्‍क प्रान्‍तय् व फुक्‍क शहरय् यहूदीतय्‌गु निंतिं लसता व नखःया दिं जुल। अले मेगु जातिया यक्‍व मनूत नं यहूदी जुल। छाय्‌धाःसा इमिके यहूदीतय्‌गु भय दुगुलिं खः।

अय्‍यूब 19:25

तर जिं स्‍यू, जितः उद्धार यानादीम्‍ह म्‍वानाच्‍वंगु दु। दकलय् लिपांगु इलय् वय्‌कः पृथ्‍वीइ दनादी।

भजनसंग्रहया सफू 112:10

थ्‍व खनाः दुष्‍टत तंचाइ, इमिसं वाकु छी अले नाश जुइ, दुष्‍टतय्‌गु इच्‍छा पूवनी मखु।

भजनसंग्रहया सफू 115:16

स्‍वर्ग ला परमप्रभुयागु हे खः, पृथ्‍वी धाःसा वय्‌कलं मनूतय्‌त बियादीगु दु।

प्रस्‍थान 18:11

मिश्रीतय्‌सं इस्राएलीतय्‌त क्‍वह्यंकूगुलिं परमप्रभुं इमित अथे यानादीगु दु। आः जिं परमप्रभु मेपिं द्यःत स्‍वयाः तःधंम्‍ह खः धकाः सिल।”

प्रस्‍थान 23:27

“छिमिगु विरोध याइपिं मनूतय्‌त जिं जिगु भय काइपिं यानाबी। छिपिं वनीगु देशयापिं मनूतय्‌त इतिमिति कंकाबी। जिं छिमि शत्रुतय्‌त छिमिगु न्‍ह्यःनं लिनाछ्वये।

उपदेशक 8:12

अय्‌नं मभिंपिं मनूतय्‌सं मभिंगु ज्‍या याःसां अप्‍वः ई म्‍वाना हे च्‍वनी, अथे जूसां परमेश्‍वरया भय मानय् याइपिन्‍त व वय्‌कःया न्‍ह्यःने क्‍वमिलु जुइपिन्‍त भिं हे जुइ धकाः नं जिं स्‍यू।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 23:5

थ्‍व बुखँ मिश्र देशय् थ्‍यनीबलय् टुरोस शहरया बुखँ न्‍यनाः इपिं तसकं विलाप याइ।

यर्मिया 27:5

थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

गन्‍ती 20:14

मोशां कादेशं एदोमया जुजुयाथाय् थथे धकाः दूतत छ्वल, “छिमि इस्राएली थःथितिपिन्‍सं थथे धयाच्‍वन, जिमित जूगु दुःख छिं सी हे स्‍यू।

गन्‍ती 20:24

“हारून सिनाः थः पुर्खातनापं मिलय् जू वनी। छिपिं निम्‍हं मेरीबाया लखय् जिगु वचनया विरोधय् वंगुलिं जिं इस्राएलीतय्‌त बीत्‍यनागु देशय् व वने दइ मखु।

मत्ती 20:15

जिं थःगु धिबा थः यःम्‍हय्‌सित बी मदु ला? जिं बिल धकाः छिमि तं पिहां वः ला कि?’”

व्‍यवस्‍था 11:25

छिमिगु न्‍ह्यःने सुं नं दनाच्‍वने फइ मखु। परमप्रभु छिमि परमेश्‍वरं बचं बियादीगुकथं छिपिं वंगु दक्‍व थासय्‌यापिं मनूतय्‌गु नुगलय् छिमिगु ग्‍याःभय तयादी।

व्‍यवस्‍था 2:25

थनिंनिसें आकाशया क्‍वय् दुपिं सकलें जातितय्‌गु मनय् छिमिगु ग्‍याःचिकु तयाबी। छिमिगु खँ न्‍यनाः इपिं थुरथुर खाइ अले इमिगु नुगः भाराभारा मिनी।”

व्‍यवस्‍था 28:10

अले पृथ्‍वीयापिं सकलें मनूतय्‌सं छिमित परमप्रभुयापिं मनूत खः धकाः सियाः छिपिं खनाः ग्‍याइ।

व्‍यवस्‍था 32:8

दक्‍वसिबय् तःधंम्‍हय्‌सिनं जाति जातियात इमिगु सर्बय बियादिल। गबले वय्‌कलं मानव जातियात अलग अलग तयादिल अले इस्राएलीतय्‌गु ल्‍याःकथं इमिगु सिमाना क्‍वःछिनादिल।

हिब्रू 11:31

विश्‍वासं हे राहाब धाःम्‍ह वेश्‍या परमेश्‍वरयात मानय् मयाःपिं नाप सिनावने म्‍वाःल, छाय्‌धाःसा वं चिवा काय्‌के छ्वयाहःपिं मनूतय्‌त लसकुस यात।

यहोशू 2:11

थ्‍व खँ न्‍यनेवं जिमिगु नुगः क्‍वतुन, छिमिसं यानाः साहस हे मन्‍त, छाय्‌धाःसा छिकपिनि परमप्रभु च्‍वय् आकाशय् व क्‍वय् पृथ्‍वीइ परमेश्‍वर खः।

यहोशू 2:24

इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

यहोशू 2:8

इपिं जासूसत द्यने न्‍ह्यः व मिसा कःसिइ थाहां वल,

यहोशू 5:1

इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।

यहोशू 6:2

परमप्रभुं यहोशूयात धयादिल, “स्‍व! जिं यरीहो, अनयाम्‍ह जुजु व सकलें सिपाइँतय्‌त छंगु ल्‍हातय् बियागु दु।

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

यहोशू 9:24

अले इमिसं यहोशूयात लिसः बिल, “परमप्रभु छिकपिनि परमेश्‍वरं थः दास मोशायात थ्‍व देश फुक्‍क छिकपिन्‍त बीगु व थ्‍व देशयापिं फुक्‍क मनूतय्‌त नाश यायेगु उजं बियादीगु खँ जिमित धाःगु दु। छिकपिं खनाः जिपिं तसकं ग्‍यात। उकिं जिमिसं थथे यानागु खः।

यहोशू 9:9

इमिसं लिसः बिल, “जिपिं छिम्‍ह दासत यक्‍व तापाःगु देशं परमप्रभु छिमि परमेश्‍वरयागु नां न्‍यनाः वयागु खः, छाय्‌धाःसा जिमिसं वय्‌कलं मिश्र देशय् यानादीगु फुक्‍क ज्‍याया बारे न्‍यनागु दु।

न्‍यायकर्ता 7:14

वया पासां लिसः बिल, “धात्‍थें हे थ्‍व ला इस्राएली योआशया काय् गिदोनया तरवार हे खः। परमेश्‍वरं मिद्यानीत व फुक्‍क सिपाइँतय्‌त वयागु ल्‍हातय् बियादीगु दु।”