यहोशू 2:4 - नेवाः बाइबल

⁴ तर व मिसां उपिं निम्‍ह मनूतय्‌त यंकाः सुचुकातःगु खः। वं धाल, “खः, इपिं मनूत जिथाय् वःगु खः, तर इपिं गनं वःगु खः धइगु जिं मस्‍यू।

यहोशू 2:4 ပူးပေါင်းရင်းမြစ်များ

२ राजा 6:19

एलीशां अरामी सिपाइँतय्‌त धाल, “थ्‍व लँ मखु, थ्‍व शहर नं मखु। जिगु ल्‍युने ल्‍युने वा, जिं छिमित छिमिसं मालाच्‍वंम्‍ह मनूयाथाय् यंकाबी।” अले वं इमित सामरियाय् यंकल।

प्रस्‍थान 1:19

दिरिअजिपिन्‍सं फारोयात धाल, “हिब्रू मिसात मिश्री मिसात थें मखु। इपिं तसकं बल्‍लाः, दिरिअजितः थ्‍यने न्‍ह्यः हे इमिसं मचा बुइके धुंकीगु।”

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

यहोशू 2:3

अथे जूगुलिं वं राहाबयाथाय् थ्‍व बुखँ छ्वत, “छन्‍थाय् वयाच्‍वंपिं मनूतय्‌त पिने पित हजि, छाय्‌धाःसा इपिं झीगु देशया चिवा कायेत वःपिं खः।”

यहोशू 2:5

सन्‍ध्‍याकाः इलय् शहरयागु ध्‍वाखा तीगु इलय् इपिं पिहां वन। इपिं गन वन जिं मस्‍यू। याकनं इमिगु ल्‍यू वंसा इमित नापलाके फइ।”

यहोशू 6:17

थ्‍व शहर व थुकी दुगु फुक्‍क नाशया निंतिं परमप्रभुयात देछाःगु दु। राहाब वेश्‍या व वयागु छेँय् वनापं दुपिंन्‍त जक त्‍वःताबीमाः, छाय्‌धाःसा झीसं छ्वयापिं जासूसतय्‌त वं सुचुकूगु खः।

यहोशू 6:25

राहाब वेश्‍या, वया बौया छेँजः अले वनापं दुपिं फुक्‍कसित धाःसा यहोशूं मस्‍यासे त्‍वःताबिल। छाय्‌धाःसा यरीहोय् चिवा कायेत छ्वःपिं मनूतय्‌त वं सुचुकातःगु खः। थौं तक नं व इस्राएलीतय्‌गु दथुइ च्‍वनाच्‍वंगु दु।