यहोशू 2:24 - नेवाः बाइबल

²⁴ इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

यहोशू 2:24 ပူးပေါင်းရင်းမြစ်များ

प्रस्‍थान 15:15

एदोमयापिं नायःत तसकं ग्‍याइ, मोआबयापिं थकालित थुरथुर खाइ। कनानयापिं फुक्‍क मनूतय् नुगलय् ध्‍यांग्रा थाइ,

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

हितोपदेश 25:13

विश्‍वास याये बहःम्‍ह दूतं थः मालिकया नुगःयात सामाज्‍याया इलय् ख्‍वाउँ लखं थें सिचुकाबी।

यहोशू 1:8

व्‍यवस्‍थाया थ्‍व सफू छंगु म्‍हुतुं चिलामवनेमाः। चान्‍हि उकी ध्‍यान ब्‍यु! अले उकी च्‍वयातःगु फुक्‍क खँ बांलाक मानय् या। अले छंगु भिं जुइ अले छ ताःलाइ।

यहोशू 2:23

अले इपिं डाँडां क्‍वहां वयाः खुसि छिनाः नूनया काय् यहोशूयाथाय् वल। अले इमित जूगु फुक्‍क खँ वयात कन।

यहोशू 5:1

इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।

यहोशू 6:2

परमप्रभुं यहोशूयात धयादिल, “स्‍व! जिं यरीहो, अनयाम्‍ह जुजु व सकलें सिपाइँतय्‌त छंगु ल्‍हातय् बियागु दु।

यहोशू 8:1

अले परमप्रभुं यहोशूयात धयादिल, “ग्‍याये मते, नुगः क्‍वतुंके मते! फुक्‍क सेना ज्‍वनाः ऐ शहरय् हमला या हुँ। ऐयाम्‍ह जुजु, वया प्रजा, वयागु शहर व वयागु देशयात जिं छंगु ल्‍हातय् बियागु दु।

न्‍यायकर्ता 1:2

परमप्रभुं धयादिल, “यहूदां हमला याइ। धात्‍थें, जिं व देशयात इमिगु ल्‍हातय् तयाबियागु दु।”

न्‍यायकर्ता 18:10

छिपिं अन थ्‍यनीबलय् छिमिसं छगू चक्‍कंगु देशय् याउँक म्‍वानाच्‍वंपिं छगू जातियात खनी। धात्‍थें परमेश्‍वरं व जमिन छिमिगु ल्‍हातय् बियादीगु दु, व थासय् पृथ्‍वीइ दुगु छुं नं चीजयागु मगाःमचाः मदु।”

न्‍यायकर्ता 7:9

उखुन्‍हु चान्‍हय् परमप्रभुं गिदोनयात धयादिल, “दँ! व छाउनीइ ल्‍वायेत कुहां हुँ, छाय्‌धाःसा उकियात जिं छंगु ल्‍हातय् बीत्‍यनागु दु।