यहोशू 2:1 - नेवाः बाइबल

¹ अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

यहोशू 2:1 ပူးပေါင်းရင်းမြစ်များ

उत्‍पत्ति 42:16

छिपिं मध्‍ये छम्‍हसिनं वनाः वयात ब्‍वना हजि। मेपिं थन हे झ्‍यालखानाय् च्‍वँ। थुकथं छिमिसं धाःगु खँ खः कि मखु धकाः सी दइ। छिमिसं धाःगु मखुगु जुल धाःसा जिं धाये, छिपिं चेवा याःवःपिं हे खः।”

उत्‍पत्ति 42:9

वं इमिगु बारे खंगु म्‍हगस लुमंकल, अले धाल, “छिपिं थन चेवा याःवःपिं खः। छिपिं जिमिगु देशया कमजोरी सीकःवःपिं खः।”

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

गन्‍ती 13:1

परमप्रभुं मोशायात धयादिल,

गन्‍ती 13:2

“कनान देशया चिवा कायेत छुं मनूत छ्व। व देश जिं इस्राएलीतय्‌त बीत्‍यनागु दु। थथःपिनि कुलपाखें छम्‍ह छम्‍ह नायः छ्व।”

गन्‍ती 25:1

इस्राएलीत शित्तीमय् च्‍वनाच्‍वंबलय् इमिसं मोआबया म्‍ह्याय्‌पिं नापं व्‍यभिचार याना हल।

गन्‍ती 33:49

यर्दन खुसिया सिथय् मोआबया ख्‍यलय् बेथ-यशीमोतंनिसें कयाः हाबिल-शित्तिम तक हे इपिं पाल ग्‍वयाः च्‍वन।

मत्ती 1:5

सल्‍मोनया काय् बोअज खः। बोअजया मां राहाब खः। बोअजया काय् ओबेद खः। ओबेदया मां रूथ खः। ओबेदया काय् यिशै,

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

एफिसी 5:5

छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

हिब्रू 11:31

विश्‍वासं हे राहाब धाःम्‍ह वेश्‍या परमेश्‍वरयात मानय् मयाःपिं नाप सिनावने म्‍वाःल, छाय्‌धाःसा वं चिवा काय्‌के छ्वयाहःपिं मनूतय्‌त लसकुस यात।

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

यहोशू 1:18

छिगु वचनया विरोध याःम्‍ह व वचन मानय् मयाःम्‍ह अले छिगु आज्ञा मानय् मयाःम्‍ह न्‍ह्याम्‍ह हे जूसां वयात स्‍यानाछ्वइ। छि बल्‍ला व साहसी जक जुयादिसँ।”

यहोशू 2:2

सुं मनुखं यरीहोया जुजुयात धाल, “स्‍वयादिसँ! थ्‍व देशयागु चिवा कायेत छुं इस्राएलीत थौं चान्‍हय् थुखे वःगु दु।”

यहोशू 21:31

हेल्‍कत व रहोब अले इमिगु पशु ज्‍वयेगु घाँय्‌ख्‍यःनापं प्‍यंगू शहर बिल।

यहोशू 3:1

सुथय् न्‍हापां यहोशू अले इस्राएलीत शित्तीम त्‍वःताः यर्दन सिथय् वल। यर्दन छिनावने न्‍ह्यः इपिं अन हे पाल ग्‍वयाः बाय् च्‍वन।

यहोशू 5:10

इस्राएलीत यरीहोया मैदानया गिलगालय् पाल ग्‍वयाच्‍वने धुंकाः लाया झिंप्‍यंगूगु न्‍हिया सन्‍ध्‍याकाः इलय् इमिसं छुत्‍काराया नखः हन।

न्‍यायकर्ता 1:23

इमिसं बेथेलय् चिवा काइपिं छ्वत। (न्‍हापा बेथेलयागु नां लुजः खः।)

न्‍यायकर्ता 18:14

अबलय् लेश देशया चिवा काःवंपिं न्‍याम्‍ह मनूतय्‌सं थथे धकाः थः दाजुकिजापिंलिसें खँ ल्‍हात, “छु थुपिं छेँ मध्‍ये छखा छेँय् एपोद, छेँ द्यःत, छगू कियातःगु झ्‍वाता व छगू ढलौतया मूर्ति दु धकाः छिमिसं स्‍यू ला? आः छु यायेमाःगु खः व छिमिसं स्‍यू।”

न्‍यायकर्ता 18:17

व पुजाहारी मू लुखाय् ल्‍वाभः ज्‍वनातःपिं खुसःम्‍ह मनूतलिसें दनाच्‍वंबलय् हे देशयागु चिवा काःवंपिं न्‍याम्‍ह मनूतय्‌सं छेँ दुने दुहां वनाः झ्‍वाता, मूर्ति, एपोद व छेँ द्यःत काल।

न्‍यायकर्ता 18:2

उकिं दान कुलयापिन्‍सं थःगु कुलया फुक्‍क परिवारपाखें न्‍याम्‍ह मग्‍याःपिं मनूत ल्‍यल। अले इमित जमिन मालेत व उकियागु चिवा कायेत सोरा व एश्‍तोल शहरं छ्वल। उपिं न्‍याम्‍ह मनूत एफ्राइमया पहाडी देशय् थ्‍यने धुंकाः मीकाया छेँय् बाय् च्‍वन।