यहोशू 19:51 - नेवाः बाइबल

⁵¹ थुकथं पुजाहारी एलाजार, नूनया काय् यहोशू व इस्राएली कुलनायःतय्‌सं परमप्रभुया न्‍ह्यःने शीलोय् नापलायेगु पालया ध्‍वाखाय् च्‍वनाः चिट्ठा तयाः इस्राएलीतय्‌त ब्‍यूगु सर्बय् थुपिं हे खः। थुकथं इमिसं देश इनेगु ज्‍या सिधय्‌कल।

यहोशू 19:51 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

भजनसंग्रहया सफू 78:60

वय्‌कलं शीलो धाःथाय् च्‍वंगु नापलायेगु पाल तकं त्‍वःतादिल, वय्‌कः अन झीलिसे च्‍वनादीगु खः।

मत्ती 20:23

वय्‌कलं धयादिल – “त्‍वनेत ला छिमिसं नं जिं थें त्‍वनी। अय्‌नं जिके सुयात नं जिगु जवंखवं तयेगु हक मदु। सुयात सुयात तयेगु धकाः ला जिमि बाःनं क्‍वःछिना तयादी धुंकल।”

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

प्रेरित 13:19

लिपा परमेश्‍वरं हे कनानय् च्‍वंपिं न्‍हय्‌गू जातियात नाश यानाः इमिगु देश थुमित लःल्‍हानादिल।

यहोशू 14:1

एलाजार पुजाहारी, नूनया काय् यहोशू व इस्राएलया कुलनायःतय्‌सं इस्राएलीतय्‌त सर्बयकथं इनाब्‍यूगु कनान देशयागु इलाका थथे दु।

यहोशू 18:1

इस्राएलीतय् फुक्‍क खलः शीलोय् मुन, अले अन नापलायेगु पाल ग्‍वल। छाय्‌धाःसा देश इमिगु ल्‍हातय् वये धुंकूगु दु।

यहोशू 18:10

अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।

यहोशू 20:1

अले परमप्रभुं यहोशूयात थथे धयादिल,

न्‍यायकर्ता 21:19

अय्‌नं बेथेलया उत्तरपाखे, बेथेलं शकेम वनीगु मू लँया पुर्बपाखे व लबोनया दच्‍छिनपाखे शीलोय् परमप्रभुया निंतिं दँय्‌दसं जुइगु नखः इमिसं लुमंकल।

न्‍यायकर्ता 21:21

नखः खुन्‍हु शीलोयापिं कुमारी मिस्‍त प्‍याखं हुलेत वइबलय् छिपिं दाखक्‍यबं पिहां वयाः छम्‍ह छम्‍हय्‌सिनं छम्‍ह छम्‍हय्‌सित भम्‍चा दय्‌केत ज्‍वँ। कुमारी मिस्‍तय्‌त थःनापं थःगु देशय् ज्‍वनाः हुँ।

१ शमूएल 1:3

एल्‍काना दँय्‌दसं दक्‍व शक्ति दुम्‍ह परमप्रभुया आराधना यायेत व बलि छायेत थःगु शहरं शीलोय् थाहां वनीगु खः। उबलय् अन एलीया निम्‍ह काय्‌पिं परमप्रभुया पुजाहारीत होप्‍नी व पीनहास दु।