यहोशू 18:6 - नेवाः बाइबल

⁶ अनंलि छिमिसं देशयागु न्‍हय्‌ब्‍वया बयान च्‍वयाः जिथाय् ज्‍वना वा। अले जिं छिमिगु लागि परमप्रभु थः परमेश्‍वरया न्‍ह्यःने चिट्ठा तये।

यहोशू 18:6 ပူးပေါင်းရင်းမြစ်များ

भजनसंग्रहया सफू 105:11

“जिं छन्‍त हे कनान देश बी, व छंगु सर्बय जुइ।”

हितोपदेश 16:33

झीसं थथःम्‍हं थःगु खँ क्‍वःछिना जुये, तर परमप्रभुं हे फुक्‍क खँ क्‍वःछिनादी।

हितोपदेश 18:18

निम्‍हं उतिकं हे धिसिलाःपिं जुल कि चिट्ठा तयाः त्‍याःबू क्‍वःछी।

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

गन्‍ती 34:13

मोशां इस्राएलीतय्‌त उजं बिल, “थ्‍व देशयात सर्बय सर्बयकथं गोला तयाः इनाका। परमप्रभुं थुकियात गुंगू व बागू कुलयात ब्‍यु धकाः उजं बियादीगु दु।

प्रेरित 13:19

लिपा परमेश्‍वरं हे कनानय् च्‍वंपिं न्‍हय्‌गू जातियात नाश यानाः इमिगु देश थुमित लःल्‍हानादिल।

यहोशू 14:2

परमप्रभुं मोशायात आज्ञा बियादीगु थें यर्दनयागु पच्‍छिमय् दुगु देश सर्बयकथं चिट्ठा तयाः ल्‍यंदुपिं उपिं गुंगू व बच्‍छि कुलयात इनाबिल।

यहोशू 18:10

अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।

यहोशू 18:7

लेवी कुलतय्‌त धाःसा छिमिगु दथुइ छुं सर्बय् दइ मखु, छाय्‌धाःसा परमप्रभुं बियादीगु पुजाहारीया ज्‍या हे इमिगु सर्बय् खः। गाद, रूबेन व मनश्‍शेया बच्‍छि कुलयात यर्दनया पुर्बय् परमप्रभुया दास मोशां ब्‍यूगु इलाका दये धुंकूगु दु।”

यहोशू 18:8

यहोशूं थथे आज्ञा बीधुंकाः देश चाःहिलेत व उकिया बयान च्‍वयेत इपिं वने न्‍ह्यः वं इमित थथे आज्ञा बिल, “देशया फुक्‍क थाय् स्‍व, उकिया बयान च्‍वयाः जिथाय् लिहां वा, अले शीलोय् जिं परमप्रभुयागु न्‍ह्यःने चिट्ठा तये।”