यहोशू 18:4 - नेवाः बाइबल

⁴ उकिं कुलपतिकं स्‍वम्‍ह स्‍वम्‍ह मनूत ल्‍य, अले जिं इमित छ्वये। अले इपिं थःत काये मनदुगु थथःगु सर्बयया बयान च्‍वयाः जिथाय् लिहां वयेमाः।

यहोशू 18:4 ပူးပေါင်းရင်းမြစ်များ

मीका 2:5

अथे जुयाः परमप्रभुया सभाय् चिट्ठा तयाः जमिन इनाबीम्‍ह छिमि सुं दइ मखु।

गन्‍ती 1:4

छगू छगू कुलं छम्‍ह छम्‍ह मनुखं छिमित ग्‍वाहालि यायेमाः। इपिं थथःगु परिवारया थकालि जुइमाः।

गन्‍ती 13:2

“कनान देशया चिवा कायेत छुं मनूत छ्व। व देश जिं इस्राएलीतय्‌त बीत्‍यनागु दु। थथःपिनि कुलपाखें छम्‍ह छम्‍ह नायः छ्व।”

यहोशू 18:3

उकिं यहोशूं इस्राएलीतय्‌त धाल, “छिमि पुर्खातय् परमप्रभु परमेश्‍वरं छिमित बियादीगु देश त्‍याका कायेत छाय् लिबाका च्‍वनेगु?

यहोशू 18:5

इमिसं उकियात न्‍हय्‌ब्‍व यायेमाः। उत्तरय् योसेफया घरानाया जमिन व दच्‍छिनपाखे यहूदाया जमिन दुमथ्‍याय्‌माः।

यहोशू 18:6

अनंलि छिमिसं देशयागु न्‍हय्‌ब्‍वया बयान च्‍वयाः जिथाय् ज्‍वना वा। अले जिं छिमिगु लागि परमप्रभु थः परमेश्‍वरया न्‍ह्यःने चिट्ठा तये।

यहोशू 18:9

उकिं मनूत वनाः देशया फुक्‍क थासय् चाःहिल, अले व देशयात गथे यानाः न्‍हय्‌ब्‍व यायेगु खः उकियागु बयान च्‍वल अले छगू छगू पुचःया शहरतय्‌गु धलः दय्‌कल। अनंलि इपिं यहोशूयाथाय् शीलोय् दुगु छाउनीइ लिहां वल।

यहोशू 3:12

आः इस्राएलया छगू छगू कुलं छम्‍ह छम्‍ह यानाः झिंनिम्‍ह मनू ल्‍य।

यहोशू 4:2

“छगू छगू कुलं छम्‍ह छम्‍ह यानाः झिंनिम्‍ह मिजंत ल्‍य।