यहोशू 18:16 - नेवाः बाइबल

¹⁶ व सिमाना रपाईमया ब्‍यासियागु उत्तरय् च्‍वंगु बेन-हिन्‍नोमया खोँचपाखे लाःगु पहाडया क्‍वय् क्‍वहां वन। व सिमाना अनं बेन-हिन्‍नोमया खोँच जुयाः क्‍वहां वन अले यबूसी शहरया दच्‍छिनया पाःचा जुयाः एन-रोगेल थ्‍यन।

यहोशू 18:16 ပူးပေါင်းရင်းမြစ်များ

२ शमूएल 17:17

अबियाथारया काय् जोनाथन व सादोकया काय् अहीमास एन-रोगेलय् च्‍वनाच्‍वंगु खः। शहरय् दुने छु छु जुयाः च्‍वंगु दु व खबर छम्‍ह मिसां धुवांधु वया बीगु, अले इमिसं दाऊदयात खबर बीगु। छाय्‌धाःसा मनूतय्‌सं खंक खंक इपिं शहरय् दुने दुहां वनेगु आँट मयात।

२ शमूएल 5:18

पलिश्‍तीत वयाः रपाईमया ब्‍यासिइ न्‍यनावन।

१ राजा 1:9

छन्‍हु अदोनियाहं एन-रोगेल बुँगाःचाया लिक्‍क जोहेलेत धाःगु ल्‍वहँतय् फैत, द्वहंत व ल्‍ह्वंपिं द्वहंचात बलि बिल। वं दाऊद जुजुया मेपिं काय्‌पिं व यहूदां वःपिं जुजुया फुक्‍क हाकिमतय्‌त भ्‍वय् नयेत सःतल।

२ राजा 23:10

जुजु योशियाहं मोलोखया निंतिं सुनानं थःकाय् वा म्‍ह्याय्‌यात मिइ छाये मफयेमाः धकाः बेन-हिन्‍नोमया खोँचय् दुगु द्यःपुजा याइगु थाय् तोपेतयात अशुद्ध यानाबिल।

१ इतिहास 14:9

पलिश्‍तीतय्‌सं रपाईमया ब्‍यासिइ च्‍वंपिं मनूतय्‌त हमला यानाः इमिगु सामान लुतय् यात।

२ इतिहास 28:3

वं बेन-हिन्‍नोमया ब्‍यासिइ बलि बिल। इस्राएलीतय्‌त न्‍ह्यःनं गुगु जातियात परमप्रभुं देशं पितिनाछ्वःगु खः वं व हे जातियापिन्‍सं याइगु थें यानाः थः काय्‌पिन्‍त मिइ छ्वय्‌काः बलि बिल।

२ इतिहास 33:6

वं थः काय्‌पिन्‍त बेन-हिन्‍नोमया ब्‍यासिइ मिइ बलि बिल। वं जादु यात अले भिं मभिं स्‍वल। वं तन्‍त्रमन्‍त्र यात अले भुतप्रेत व आत्‍मातनापं स्‍वापु तइपिनिगु व झाक्रिततय्‌गु सल्‍लाह काल। वं परमप्रभुया मिखाय् तसकं मभिंगु ज्‍या यानाः वय्‌कःयात तंचाय्‌कल।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यर्मिया 19:11

अले छं इमित थथे धा ‘दक्‍व शक्ति दुम्‍ह परमप्रभुं थथे धयादी – थथे हे सुनानं कुमाःया थल हाकनं न्‍हापा थें दय्‌के मफय्‌क तछ्याःगु थें जिं थुपिं मनूतय्‌त व थ्‍व शहरयात तछ्यानाः नाश यानाबी। अले सीम्‍ह थुनीगु थाय् सिमधःतले मनूतय्‌सं तोपेतय् सीम्‍ह थुनी।’

यर्मिया 19:2

तज्‍याःगु थलया ध्‍वाखां बेन-हिन्‍नोमया ब्‍यासिइ हुँ अले अन जिं छन्‍त धयागु खँ कँ।

यर्मिया 19:6

उकिं होशियार जुयाच्‍वँ, जि, परमप्रभुं धयादी, थज्‍याःगु दिं वयेत्‍यंगु दु, गबले मनूतय्‌सं थ्‍व थाय्‌यात तोपेत वा बेन-हिन्‍नोमया ब्‍यासि धाइ मखु तर मनू स्‍याइगु ब्‍यासि धाइ।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यहोशू 15:63

यहूदाया मनूतय्‌सं यरूशलेमय् च्‍वंपिं यबूसीतय्‌त पितछ्वये मफुत। थौं तक नं यबूसीत यहूदायापिं मनूतलिसें च्‍वनाच्‍वंगु दु।

यहोशू 18:28

सेलाह, एलेप, यबूसी शहर धाइगु यरूशलेम, गिबा व किर्यत-झिंप्‍यंगू शहर व इमिगु फुक्‍क गां। बेन्‍यामीनया वंशतय्‌त थुपिं सर्बय् दत।

न्‍यायकर्ता 1:21

बेन्‍यामीनीतय्‌सं धाःसा यरूशलेमयापिं यबूसीतय्‌त ख्‍याना मछ्वः। उकिं यबूसीत थौं तक नं बेन्‍यामीनीतलिसें यरूशलेमय् च्‍वनाच्‍वंगु दु।

न्‍यायकर्ता 1:8

यहूदाया मनूतय्‌सं यरूशलेमय् हमला यानाः उकियात त्‍याकाकाल। इमिसं अनयापिं मनूतय्‌त तरवारं स्‍यात, अले व शहरय् मि च्‍याकाबिल।

न्‍यायकर्ता 19:10

तर व मनू उखुन्‍हु चान्‍हय् अन च्‍वनेत मानय् मजुल। उकिं व सामान क्‍वबिका तःपिं निम्‍ह गधा व मथ्‍याःम्‍ह कलाःनापं यबूस शहर (थ्‍व यरूशलेम शहर खः) पाखे वन।