यहोशू 18:10 - नेवाः बाइबल

¹⁰ अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।

यहोशू 18:10 ပူးပေါင်းရင်းမြစ်များ

१ इतिहास 24:5

एलाजार व ईतामार निम्‍हय्‌सिया सन्‍तानया दथुइ तःम्‍ह हे देगःया हाकिमत व परमेश्‍वरया हाकिमत दुगुलिं सुयागुं नं पँ मलीसें चिट्ठा तयाः इमित ब्‍यागलं तयाबिल।

नहेम्‍याह 11:1

इस्राएलीयापिं नायःत यरूशलेमय् च्‍वन। मेपिं मनूतय्‌सं चिट्ठा तयाः झिम्‍हय् छम्‍ह मनू पवित्र शहर यरूशलेमय् वना च्‍वनेत ल्‍यल। मेपिं मनूत मेमेगु शहर व गामय् च्‍वन।

भजनसंग्रहया सफू 47:4

वय्‌कलं झीगु लागि सर्बय ल्‍ययादिल। अले थ्‍व वय्‌कःया यःपिनिगु निंतिं गर्वया खँ खः। सेला

भजनसंग्रहया सफू 61:5

हे परमेश्‍वर, छिं जिगु भाकल न्‍यनादीगु दु। छिं जितः छिगु भय काइपिन्‍त दइगु भिंगु खँ बियादीगु दु।

हितोपदेश 18:18

निम्‍हं उतिकं हे धिसिलाःपिं जुल कि चिट्ठा तयाः त्‍याःबू क्‍वःछी।

यर्मिया 7:12

“‘आः जिं दकलय् न्‍हापा थःगु नां च्‍वनीगु थाय् दय्‌कागु शीलोय् हुँ! अले जिं थः प्रजा इस्राएलं मभिंगु ज्‍या याःगुलिं व थाय्‌यात छु यानाः अन वनाः स्‍व।’

इजकिएल 47:22

छिमिसं थ्‍व देश न्‍ह्याबलेंया सर्बयकथं थःगु हे निंतिं व छिपिंनापं च्‍वनाच्‍वंपिं, काय्‌म्‍ह्याय् दुपिं विदेशीतय्‌गु निंतिं नं इनाब्‍यु। छिमिसं इमित इस्राएलय् हे बूपिं इस्राएलीत थें ताय्‌कि। छिपिंनापं हे इस्राएलया कुलतय्‌गु दथुइ इमित सर्बय दयेमाः।

इजकिएल 48:29

“छिमिसं इस्राएलया कुल कुलयात सर्बयकथं इनाबीमाःगु देश थ्‍व हे खः, थुपिं हे इमिगु ब्‍व खः,” परमप्रभु परमेश्‍वरं धयादी।

मीका 2:5

अथे जुयाः परमप्रभुया सभाय् चिट्ठा तयाः जमिन इनाबीम्‍ह छिमि सुं दइ मखु।

गन्‍ती 34:16

परमप्रभुं मोशायात धयादिल,

मत्ती 27:35

अनंलि इमिसं वय्‌कःयात क्रूसय् यख्‍खायाबिल। अले चिट्ठा तयाः वय्‌कःयागु वसः इना काल।

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

प्रेरित 13:19

लिपा परमेश्‍वरं हे कनानय् च्‍वंपिं न्‍हय्‌गू जातियात नाश यानाः इमिगु देश थुमित लःल्‍हानादिल।

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

कलस्‍सी 1:12

परमेश्‍वरयात दुनुगलंनिसें सुभाय् ब्‍यु, छाय्‌धाःसा वय्‌कलं थः मनूतय्‌त तयादीगु जःयागु राज्‍यय् छिमित नं दुथ्‍याकादीगु दु।

यहोशू 14:2

परमप्रभुं मोशायात आज्ञा बियादीगु थें यर्दनयागु पच्‍छिमय् दुगु देश सर्बयकथं चिट्ठा तयाः ल्‍यंदुपिं उपिं गुंगू व बच्‍छि कुलयात इनाबिल।

यहोशू 14:5

थुकथं परमप्रभुं मोशायात आज्ञा बियादीगु थें हे इस्राएलीतय्‌सं देश इना काल।

यहोशू 18:11

दकलय् न्‍हापा बेन्‍यामीन कुलया लागि वंश वंश यानाः चिट्ठा तल। इमिगु इलाका यहूदा कुल व योसेफया कुलया दथुइ लात।

यहोशू 18:6

अनंलि छिमिसं देशयागु न्‍हय्‌ब्‍वया बयान च्‍वयाः जिथाय् ज्‍वना वा। अले जिं छिमिगु लागि परमप्रभु थः परमेश्‍वरया न्‍ह्यःने चिट्ठा तये।

यहोशू 18:8

यहोशूं थथे आज्ञा बीधुंकाः देश चाःहिलेत व उकिया बयान च्‍वयेत इपिं वने न्‍ह्यः वं इमित थथे आज्ञा बिल, “देशया फुक्‍क थाय् स्‍व, उकिया बयान च्‍वयाः जिथाय् लिहां वा, अले शीलोय् जिं परमप्रभुयागु न्‍ह्यःने चिट्ठा तये।”

यहोशू 18:9

उकिं मनूत वनाः देशया फुक्‍क थासय् चाःहिल, अले व देशयात गथे यानाः न्‍हय्‌ब्‍व यायेगु खः उकियागु बयान च्‍वल अले छगू छगू पुचःया शहरतय्‌गु धलः दय्‌कल। अनंलि इपिं यहोशूयाथाय् शीलोय् दुगु छाउनीइ लिहां वल।

यहोशू 19:51

थुकथं पुजाहारी एलाजार, नूनया काय् यहोशू व इस्राएली कुलनायःतय्‌सं परमप्रभुया न्‍ह्यःने शीलोय् नापलायेगु पालया ध्‍वाखाय् च्‍वनाः चिट्ठा तयाः इस्राएलीतय्‌त ब्‍यूगु सर्बय् थुपिं हे खः। थुकथं इमिसं देश इनेगु ज्‍या सिधय्‌कल।

यहोशू 23:4

जिं गथे यानाः यर्दन खुसिंनिसें पच्‍छिमय् भूमध्‍यसागर तकयापिं जिं त्‍याकाःपिं अले ल्‍यंदुपिं जातितय्‌गु फुक्‍क इलाका चिट्ठा ततं छिमिगु कुलतय्‌त सर्बयकथं इनाबियागु खः व लुमंकि।