यहोशू 18:1 - नेवाः बाइबल

¹ इस्राएलीतय् फुक्‍क खलः शीलोय् मुन, अले अन नापलायेगु पाल ग्‍वल। छाय्‌धाःसा देश इमिगु ल्‍हातय् वये धुंकूगु दु।

यहोशू 18:1 ပူးပေါင်းရင်းမြစ်များ

२ शमूएल 7:6

जिं इस्राएलीतय्‌त मिश्र देशं पित हयागु दिनंनिसें थौं तक जि गुबलें देगलय् च्‍वनागु मदु। जि न्‍ह्याबलें पालय् च्‍वनागु दु अले छथासं मेगु थासय् वयेगु वनेगु यानाच्‍वना।

१ राजा 14:2

यारोबामं थः कलाःयात धाल, “छ यारोबामया कलाः खः धकाः सुनानं म्‍हमसीकेत छं थःत मेम्‍ह थें च्‍वंकि। अले छ शीलोय् हुँ। अन जि इस्राएलयाम्‍ह जुजु जुइ धकाः धाःम्‍ह अहियाह अगमवक्ता दु।

१ राजा 14:4

यारोबामया कलातं वं धाःथें हे यात। व शीलोय् अहियाहया छेँय् वन। बुरा जूगुलिं अहियाहं मिखा मखने धुंकल।

१ राजा 2:27

उकिं सोलोमनं अबियाथारयात परमप्रभुया पुजाहारीया ज्‍यां लिकाल। थुकथं शीलोय् एलीया घरानाया बारे परमप्रभुं धयादीगु वचन पूवन।

नहेम्‍याह 9:24

“इमिसं कनान देश त्‍याकल, अनयापिं मनूत कनानीतय्‌त छिं इमिगु हे अधीनय् बियादिल। छिं कनानीतय्‌त इमि जुजुपिं व देशय् च्‍वंपिं मनूतलिसे थः यःथें व्‍यवहार यायेत इमिगु ल्‍हातय् बियादिल।

भजनसंग्रहया सफू 78:60

वय्‌कलं शीलो धाःथाय् च्‍वंगु नापलायेगु पाल तकं त्‍वःतादिल, वय्‌कः अन झीलिसे च्‍वनादीगु खः।

भजनसंग्रहया सफू 78:66

वय्‌कलं थः शत्रुतय्‌त ख्‍याना छ्वयादिल। वय्‌कलं इमित सदांया निंतिं मछालापुसे च्‍वंकाबिल।

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 26:9

थ्‍व देगः शीलो थें जुइ, अले थ्‍व शहर नाश जुइ अले थन सुं मनू च्‍वनी मखु व धकाः छाय् छं परमप्रभुया नामय् अगमवाणी ल्‍हानागु?” अले फुक्‍क मनूत परमप्रभुया देगलय् यर्मियाया प्‍यखेरं मुंवल।

यर्मिया 41:5

थःगु दाह्री चानातःपिं, थःगु वसः खुनातःपिं व थःगु म्‍हय् थःम्‍हं हे घाः यानातःपिं चय्‌म्‍ह मनूत अन्‍नबलि व धुपाँय् ज्‍वनाः शकेम, शीलो व सामरियां परमप्रभुया देगलय् वल।

गन्‍ती 32:22

परमप्रभुया न्‍ह्यःने व देशयात त्‍याकेधुंकाः छिपिं लिहां वये फइ। अले परमप्रभु व इस्राएलीतय्‌गु लागि छिमिसं यायेमाःगु ज्‍या पूवनी। अले यर्दनया पुर्बपाखे च्‍वंगु थाय् परमप्रभुयापाखें छिमिगु सम्‍पत्ति जुइ।

प्रेरित 7:45

लिपा झी तापाःबाज्‍यापिन्‍सं थ्‍व पाल थः सन्‍तानयात बिल। अनं लिपा परमेश्‍वरं थ्‍व देशय् च्‍वंपिं जात जातियापिं मनूतय्‌त पितिनाछ्वयादिल। अले यहोशूं थ्‍व देशयात त्‍याका काल। थ्‍व हे देशय् इमिसं पालयात नं हल। अबलय् निसें दाऊद जुजुया पालय् तकं व पाल अन हे च्‍वन।

यहोशू 18:2

अय्‌नं आः तक नं थथःगु सर्बय् मकाःपिं न्‍हय्‌गू कुल ल्‍यंदनि।

यहोशू 18:8

यहोशूं थथे आज्ञा बीधुंकाः देश चाःहिलेत व उकिया बयान च्‍वयेत इपिं वने न्‍ह्यः वं इमित थथे आज्ञा बिल, “देशया फुक्‍क थाय् स्‍व, उकिया बयान च्‍वयाः जिथाय् लिहां वा, अले शीलोय् जिं परमप्रभुयागु न्‍ह्यःने चिट्ठा तये।”

यहोशू 19:51

थुकथं पुजाहारी एलाजार, नूनया काय् यहोशू व इस्राएली कुलनायःतय्‌सं परमप्रभुया न्‍ह्यःने शीलोय् नापलायेगु पालया ध्‍वाखाय् च्‍वनाः चिट्ठा तयाः इस्राएलीतय्‌त ब्‍यूगु सर्बय् थुपिं हे खः। थुकथं इमिसं देश इनेगु ज्‍या सिधय्‌कल।

यहोशू 21:2

कनान देशया शीलोय् इमित थथे धाल, “जिमित च्‍वनेत शहर व जिमि पशुत ज्‍वयेत प्‍यखेरं च्‍वंगु थाय् जिमित ब्‍यु धकाः परमप्रभुं मोशापाखें छिमित आज्ञा बियादीगु दु।”

यहोशू 22:12

इपिंनापं ल्‍वायेत इस्राएलयापिं फुक्‍क खलः शीलोय् मुन।

यहोशू 22:19

छिमिगु थःगु जमिन अशुद्ध जूगु दुसा परमप्रभुया पवित्र पाल दुगु परमप्रभुया देशय् वा, जिमिगु जमिन जिपिंनापं इनाका। तर परमप्रभु झी परमेश्‍वया वेदी दय्‌कं हाकनं मेगु वेदी दय्‌काः परमप्रभुयागु व जिमिगु विरोध याये मते।

यहोशू 22:9

अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

न्‍यायकर्ता 18:31

शीलोय् परमेश्‍वरयागु नापलायेगु पाल दतले मीकां दय्‌कूगु मूर्तितय्‌त पुजा यात।

न्‍यायकर्ता 21:12

इमिसं अथे हे यात। इमिसं याबेश-गिलादयापिं मनूत मध्‍ये प्‍यसःम्‍ह कुमारी मिस्‍तय्‌त नापलाकल। इपिं मिस्‍तय्‌त इमिसं कनानया शीलोया छाउनीइ हल।

न्‍यायकर्ता 21:19

अय्‌नं बेथेलया उत्तरपाखे, बेथेलं शकेम वनीगु मू लँया पुर्बपाखे व लबोनया दच्‍छिनपाखे शीलोय् परमप्रभुया निंतिं दँय्‌दसं जुइगु नखः इमिसं लुमंकल।

१ शमूएल 1:24

अनंलि वया काय्‌नं दुरु त्‍वनेगु त्‍वःतल, थःकाय्‌यात चिधिकःसां शीलोय्‌ पमरप्रभुया नापलायेगु पालय् यंकल। अले थःनापं स्‍वदँ दुम्‍ह द्वहं, छगू एपा छुचुं, छगू छेंगूया म्‍हिचाय् दाखमद्य नं यंकल।

१ शमूएल 1:3

एल्‍काना दँय्‌दसं दक्‍व शक्ति दुम्‍ह परमप्रभुया आराधना यायेत व बलि छायेत थःगु शहरं शीलोय् थाहां वनीगु खः। उबलय् अन एलीया निम्‍ह काय्‌पिं परमप्रभुया पुजाहारीत होप्‍नी व पीनहास दु।