यहोशू 17:16 - नेवाः बाइबल

¹⁶ योसेफया सन्‍तानतय्‌सं लिसः बिल, “पहाडी देश जिमित मगाः। अले बेथ-शान व उकिया गांत अले यिजरेलयागु ब्‍यासिइ च्‍वनिपिं सकलें कनानीतय्‌के नँयागु रथ दु।”

यहोशू 17:16 ပူးပေါင်းရင်းမြစ်များ

१ राजा 18:45

भचा जायेवं हे आकाश सुपाचं हाकुसे च्‍वन, फय् वल, तसकं वा वल, अले आहाब थःगु रथय् च्‍वनाः यिजरेलय् वन।

१ राजा 18:46

एलियायाके परमप्रभुया शक्ति वल, अले थःगु गा जँय् हिनाः व आहाबया न्‍ह्यःने न्‍ह्यःने यिजरेल तक हे ब्‍वांय् वन।

१ राजा 21:1

छुं ई लिपा छगू घटना जुल, यिजरेल शहरय् सामरिया जुजु आहाबया दरबार लिक्‍क नाबोत धाःम्‍ह छम्‍ह यिजरेलीया दाखक्‍यब दुगु जुयाच्‍वन।

१ राजा 21:23

“ईजेबेलया बारे परमप्रभुं धयादीगु दु, ‘यिजरेलया पखाःया लिक्‍क ईजेबेलयात खिचां नइ।’

१ राजा 4:12

तानाक व मगिद्दो व यिजरेल क्‍वय्‌या सार्तानया लिक्‍क दुगु बेथ- शान फुक्‍कभनं, हाबिल महोला व योक्‍माम तक – अहीलूदया काय् बाना,

२ राजा 9:10

यिजरेलया छकू बुँइ ईजेबेलयात खिचातय्‌सं नइ। वयात सुनानं थुनी मखु।’” अथे धयाः व अगमवक्ता खापा चाय्‌काः ब्‍वाँय् वन।

२ राजा 9:37

ईजेबेलया म्‍ह यिजरेलया जमिनय् साः थें जुइ। गुकें यानाः सुनानं ‘थ्‍व ईजेबेल खः धकाः धाये फइ मखु।’ ”

यर्मिया 49:2

परमप्रभुं धयादी, “स्‍व! जिं अम्‍मोनीतय्‌गु रब्‍बा शहरया विरोधय् लडाइँया सः न्‍यंकेगु ई वयाच्‍वंगु दु। व छगू नाशया द्वँ जुइ, अले उकिया जःखः च्‍वंगु गांयात मिं भस्‍म याइ। उबलय् थःत लिनाः पितहःपिन्‍त इस्राएलीतय्‌सं लिनाछ्वइ,” परमप्रभुं धयादी।

यहोशू 15:56

यिजरेल, योक्‍दाम, जानोह,

यहोशू 17:11

इस्‍साखार व आशेरया इलाकाय् दुने लाःगु बेथ-शान, यिबलाम, डोर (अथे धाइगु नापेत-डोर), एन्‍दोर, तानाक व मगिद्दो शहर व प्‍यखेरं च्‍वंगु बस्‍ती मनश्‍शेयात दत।

यहोशू 17:15

यहोशूं लिसः बिल, “छिमिगु ल्‍याः यक्‍व दुसा अले एफ्राइमयागु पहाडी देश छिमिगु लागि चीकू जूसा परिज्‍जी व रपाईतय्‌गु देश दुने जंगलय् वनाः थःगु निंतिं सिमा पा।”

यहोशू 17:17

अले यहोशूं योसेफया कुलत एफ्राइम व मनश्‍शेयात धाल, “छिपिं अप्‍वः दु अले बल्‍लाः, अथे जुयाः छिमित छब्‍व जक मखु,

यहोशू 17:18

पहाडी देशयागु गुँ नं छिमिगु हे जुइ। उकियागु सिमा पा, अले अन जःखःयागु इलाका नं छिमिगु हे जुइ। उपिं कनानीतय्‌के नयागु रथत दुगुलिं इपिं बल्‍लाः अय्‌नं छिमिसं इमित लिनाछ्वये फइ।”

यहोशू 19:18

इमिगु भागय् थुपिं दुथ्‍याः यिजरेल, कसुल्‍लोत, शूनेम

न्‍यायकर्ता 1:19

परमप्रभुं यहूदाया मनूतय्‌त ग्‍वाहालि बियादिल। इमिसं पहाडी देश त्‍याका काल। अय्‌नं इमिसं क्‍वय् लाःगु माथंवंगु थासय् च्‍वंपिं मनूतय्‌त ख्‍याना छ्वये मफुत छाय्‌धाःसा इमिके नँयागु रथत दु।

न्‍यायकर्ता 4:13

थःगु गुसःगः नँयागु रथ व सकल सिपाइँतय्‌त हरोशेत हाग्‍गोयिमं कीशोन खुसिइ सःतल।

न्‍यायकर्ता 4:3

इस्राएलीतय्‌सं परमप्रभुयाके ग्‍वाहालि फ्‍वन, छाय्‌धाःसा याबीनयाके गुसःगः नँयागु रथ दु, वं इस्राएलीतय्‌त निइदँ तक सास्‍ती बियाः क्‍वत्‍यलातःगु खः।

न्‍यायकर्ता 6:33

अनंलि फुक्‍क मिद्यानी, अमालेकी व पुर्बयापिं जातित छथाय् मुन। अले यर्दन खुसि छिनाः यिजरेलया बेसीइ छाउनी तयाच्‍वन।

१ शमूएल 29:1

पलिश्‍तीतय्‌सं थःपिनिगु फुक्‍क सिपाइँत लडाइँया निंतिं अपेकय् मुंकल, अले इस्राएलीत बुँगाःचाया लिक्‍क यिजरेलय् पाल ग्‍वल।