यहोशू 17:13 - नेवाः बाइबल

¹³ अय्‌नं इस्राएलीत बल्‍लाये धुंकाः इमिसं कनानीतय्‌त दासया ज्‍या याकल। इमि फुक्‍कसित धाःसा लिना मछ्वः।

यहोशू 17:13 ပူးပေါင်းရင်းမြစ်များ

उत्‍पत्ति 49:15

झासु लनेत बांलाःगु थाय् लुयेवं, अले झःझः धाःगु देश खनेवं, वं कु क्‍वबीत थःगु ब्‍वह क्‍वछुकी अले दास थें ज्‍या याइपिं ज्‍यामि जुइ।

२ शमूएल 3:1

शाऊलया घराना व दाऊदया घरानाया दथुइ यक्‍व दिं तक लडाइँ जुयाच्‍वन। दाऊद झन झन बल्‍लानावन, अले शाऊलया घराना धाःसा झन झन बमलाना वन।

१ राजा 9:21

थुपिं इस्राएलीतय्‌सं भज्‍यंक नाश मयाःपिं जात जातियापिनि सन्‍तान खः। थुमित सोलोमनं दासयात थें ज्‍या याकल। थौं तक नं इपिं अथे हे दु।

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

यहोशू 16:10

इमिसं गेजेरय् च्‍वंपिं कनानीतय्‌त पितमछ्वः। थौं तक नं कनानीत एफ्राइमयापिं मनूतलिसें दास थें ज्‍या याइपिं ज्‍यामि जुयाः च्‍वनाच्‍वंगु दु।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

न्‍यायकर्ता 1:28

लिपा इस्राएलीत बल्‍लाःबलय् इमिसं कनानीतय्‌त दासयात थें ज्‍या याकल तर इपिं फुक्‍कसित ख्‍याना छ्वये मफुत।

न्‍यायकर्ता 1:30

कित्रोन व नहलोल शहरयापिं कनानतीतय्‌त जबूलून कुलयापिन्‍सं ख्‍याना मछ्वः। कनानीत इपिंलिसें अन च्‍वनाच्‍वन, जबूलून कुलयापिन्‍सं इमित दास थें ज्‍या याकल।

न्‍यायकर्ता 1:33

नप्‍ताली कुलयापिन्‍सं बेथ-शेमेश व बेथ-अनात शहरयापिं मनूतय्‌त ख्‍याना मछ्वः। थथे इपिं कनानीतलिसें हे च्‍वन। अथेसां इमिसं बेथ-शेमेश व बेथ-अनातयापिं मनूतय्‌त थःगु लागि दासयात थें ज्‍या याकल।

न्‍यायकर्ता 1:35

एमोरीत हेरेस डाँडा, अय्‌यालोन व शाल्‍बीमय् च्‍वना हे च्‍वन। अथेसां योसेफ कुलयापिं इपिं स्‍वयाः बल्‍लाःबलय् इमित नं दासयात थें ज्‍या याकल।