यहोशू 16:10 - नेवाः बाइबल

¹⁰ इमिसं गेजेरय् च्‍वंपिं कनानीतय्‌त पितमछ्वः। थौं तक नं कनानीत एफ्राइमयापिं मनूतलिसें दास थें ज्‍या याइपिं ज्‍यामि जुयाः च्‍वनाच्‍वंगु दु।

यहोशू 16:10 ပူးပေါင်းရင်းမြစ်များ

१ राजा 9:15

परमप्रभुया देगः, थःगु दरबार, तिबः बीगु तगिं, यरूशलेमया पखाः, हासोर, मगिद्दो व गेजेर दय्‌केत जुजु सोलोमनं मनूतय्‌त दास थें ज्‍या याकूगु खः।

१ राजा 9:16

(मिश्रयाम्‍ह जुजु फारों हमला यानाः गेजेर त्‍याका काल। अन च्‍वंपिं कनानीतय्‌त स्‍यानाः शहरयात छ्वय्‌काबिल। अले वं उगु शहर सोलोमनं ब्‍याहायाम्‍ह थःम्‍ह्याय्‌यात क्‍वसः बिल।

१ राजा 9:21

थुपिं इस्राएलीतय्‌सं भज्‍यंक नाश मयाःपिं जात जातियापिनि सन्‍तान खः। थुमित सोलोमनं दासयात थें ज्‍या याकल। थौं तक नं इपिं अथे हे दु।

२ इतिहास 8:8

थुपिं इस्राएलीतय्‌सं मस्‍याःपिं जात जातियापिनि सन्‍तान खः। थुमित सोलोमनं दासयात थें ज्‍या याकल। थौं तक नं इपिं अथे हे दु।

यहोशू 10:33

अबलय् हे लाकीशयात ग्‍वाहालि बीत गेजेरयाम्‍ह जुजु होराम वल। यहोशूं वयात व वया सेनायात बुकल, छम्‍हय्‌सित नं म्‍वाःका मतः।

यहोशू 15:63

यहूदाया मनूतय्‌सं यरूशलेमय् च्‍वंपिं यबूसीतय्‌त पितछ्वये मफुत। थौं तक नं यबूसीत यहूदायापिं मनूतलिसें च्‍वनाच्‍वंगु दु।

यहोशू 16:9

थुकी मनश्‍शेतय्‌गु सर्बयया दुने एफ्राइमीतय्‌गु लागिं ब्‍यागल तःगु छुं शहर व गां नं दुथ्‍याः।

यहोशू 17:12

अय्‌नं मनश्‍शेया सन्‍तानं उपिं शहरय् च्‍वनिपिं मनूतय्‌त बुके मफुत। कनानीत जिराहा जुयाः अन हे च्‍वनाच्‍वन।

यहोशू 17:13

अय्‌नं इस्राएलीत बल्‍लाये धुंकाः इमिसं कनानीतय्‌त दासया ज्‍या याकल। इमि फुक्‍कसित धाःसा लिना मछ्वः।

न्‍यायकर्ता 1:29

गेजेर शहरय् च्‍वंपिं कनानीतय्‌त एफ्राइम कुलयापिन्‍सं नं ख्‍याना छ्वये मफुत। उकिं कनानीत इपिंलिसें च्‍वना हे च्‍वन।