यहोशू 15:13 - नेवाः बाइबल

¹³ परमप्रभुं यहोशूयात धयादीगु थें यहूदा कुलयाम्‍ह यपुन्‍नेया काय् कालेबयात यहूदा देशयागु छब्‍व बिल। अनाकी वंशया तापाःबाज्‍या अर्बायागु नामं तःगु किर्यत-अर्बा शहर यहोशूं कालेबयात बिल। थुकियात हेब्रोन धकाः नं धाः।

यहोशू 15:13 ပူးပေါင်းရင်းမြစ်များ

उत्‍पत्ति 13:18

अब्रामं थःगु पाल ल्‍ह्ययाः हेब्रोनय् मम्रें पिनाथकूगु सिमा दुथाय् पाखे च्‍वंवन। अन वं परमप्रभुया लागि छगू वेदी दय्‌कल।

उत्‍पत्ति 23:2

कनानया किर्यत-अर्बा धाःथाय् सित (थौंकन्‍हय् हेब्रोन धाइ)। अब्राहाम व सीगुया दुःखं च्‍वन।

२ शमूएल 2:1

अनंलि दाऊदं परमप्रभुयात थथे धकाः न्‍यन, “छु जि यहूदाया छुं छगू शहरय् वने ला?” परमप्रभुं लिसः बियादिल, “हुँ।” दाऊदं न्‍यन, “गुगु शहरय् वनेगु?” अले थथे लिसः वल, “हेब्रोनय्।”

१ इतिहास 6:56

तर शहरया जःखः च्‍वंगु बुँ व बस्‍तीत धाःसा यपुन्‍नेया काय् कालेबयात बिल।

२ इतिहास 11:10

सोरा, अय्‌यालोन व हेब्रोन।

गन्‍ती 13:30

कालेबं मोशाया न्‍ह्यःने मनूतय्‌गु म्‍हुतुप्‍वाः तिकाः थथे धाल, “झीसं थत्‍थें थाहां वनाः व देशय् अधिकार यायेमाः। धात्‍थें झीसं इमित त्‍याकेफइ।”

गन्‍ती 13:6

यहूदाया कुलपाखें यपुन्‍नेया काय् कालेब,

यहोशू 11:21

अबलय् यहोशूं पहाडी देशय् वनाः हेब्रोन, दबीर, अनाब, यहूदा व इस्राएलयागु फुक्‍क पहाडी देशय् च्‍वनिपिं अनाकीतय्‌त नाश यानाबिल। यहोशूं इमिगु शहरनापं इमित भज्‍यंक नाश यानाबिल।

यहोशू 20:7

थुकिया लागि इमिसं यर्दनया पच्‍छिमपाखे गालीलय् लाःगु नप्‍तालीया पहाडी देशय् केदेश, एफ्राइमया पहाडी देशय् शकेम व यहूदाया पहाडी देशय् किर्यत-अर्बा धाइगु हेब्रोन शहरयात अलग तल।

यहोशू 21:11

इमिसं इमित यहूदाया पहाडया देशय् प्‍यखेरं च्‍वंगु पशु ज्‍वयेगु घाँय्‌ख्‍यःनापं हेब्रोन धाइगु किर्यत-अर्बा शहर बिल। (अर्बा अनाकया पुर्खा खः।)

न्‍यायकर्ता 1:10

उकिं यहूदाया मनूतय्‌सं हेब्रोन शहरय् च्‍वंपिं कनानीतय्‌त हमला यात। (न्‍हापा हेब्रोनयात किर्यत-अर्बा धाइगु खः।) अनंलि इमिसं शेशै, अहीमन व तल्‍मै वंशयापिन्‍त स्‍यानाबिल।

न्‍यायकर्ता 1:20

मोशां बचं ब्‍यूगु थें हेब्रोन धाःसा कालेबयात बिल। गुम्‍हय्‌सिनं अनाकया स्‍वम्‍ह काय्‌पिन्‍त अनं ख्‍याना छ्वःगु खः।

१ शमूएल 25:3

वयागु नां नाबाल खः अले वया कलाःया नां अबीगेल खः। अबीगेल तसकं बांलाःम्‍ह व बुद्धि दुम्‍ह खः। तर वया भाःत कालेबया वंशया छम्‍ह नुगः छाःम्‍ह व मभिंगु ज्‍या याइम्‍ह खः।

१ शमूएल 30:14

जिमिसं करेतीतय्‌गु नेगेव, यहूदाया छुं थासय् व कालेबया नेगेवय् लुतय् यानाः अले सिक्‍लगयात मि छ्वयेका बिया।”

१ शमूएल 30:31

हेब्रोनय् च्‍वंपिन्‍थाय् अले दाऊद व वया मनूत वंगु थासय् च्‍वंपिंन्‍थाय् कोस्‍यालि छ्वत।