यहोशू 15:11 - नेवाः बाइबल

¹¹ हानं व सिमाना एक्रोनया उत्तर जुयाः शिक्‍करोन वल। अनं बाला पहाड जुयाः यब्‍नेलपाखे चाःहिलाः समुद्रया सिथय् क्‍वचाल।

यहोशू 15:11 ပူးပေါင်းရင်းမြစ်များ

२ राजा 1:16

एलियां जुजुयात धाल, “परमप्रभुं थथे धयादी, इस्राएलय् परमेश्‍वर मदु थें यानाः छं छाय् दूततय्‌त एक्रोनया द्यः बाल-जिबबयात थः लनी कि मलनी धकाः न्‍यंके छ्वयागु? उकिं छ ग्‍वारातुलाच्‍वंगु लासा छं गुबलें त्‍वःती मखु, छ धात्‍थें सी!”

२ राजा 1:6

इमिसं वयात लिसः बिल, “छम्‍ह मनू जिमित नापलाः वल। वं जिमित थथे धाल, ‘छिमित छ्वयाहःम्‍ह जुजुयाथाय् लिहां वनाः वयात थथे धा, “परमप्रभुं थथे धयादी – एक्रोनया द्यःयात न्‍यनेत छाय् दूतत छ्वयागु, छु इस्राएलय् छम्‍ह नं परमेश्‍वर मदु ला? उकिं छ ग्‍वतुलाच्‍वंगु लासा छं त्‍वःती मखु। छ धात्‍थें सी।” ’ ”

२ इतिहास 26:6

व पलिश्‍तीतलिसें लडाइँ याः वन। वं गात, यब्‍ने व अश्‍दोद शहरया पःखाः थुनाबिल। वं अश्‍दोदया लिक्‍क व पलिश्‍तीतय् दथुइ शहरत दय्‌कल।

गन्‍ती 34:6

“‘छिमिगु पच्‍छिमया लागा भूमध्‍यसागरया सिथ तक जुइ। छिमिगु पच्‍छिमया सिमाना थ्‍व हे जुइ।

यहोशू 15:10

अनंलि व बालां पच्‍छिमपाखे चाःहिलाः सेइर पर्वतय् जुयाः कसालोन धाइगु यारीम पर्वत उत्तरया सिथ जुयाः बेथ-शेमेश तक क्‍वहां वनाः तिम्‍नाय् थ्‍यन।

यहोशू 15:12

पच्‍छिमयागु सिमाना भूमध्‍यसागरया सिथ खः। यहूदा कुलया वंश वंशकथं क्‍वःछ्यूगु प्‍यखेरंया सिमाना थ्‍व हे खः।

यहोशू 15:45

उकियागु शहर व बस्‍तीनापं एक्रोन,

यहोशू 15:9

व सिमाना डाँडाया च्‍वकां क्‍वहां वना नेप्‍तोह नांयागु बुँगाःचापाखे न्‍ह्यज्‍यानाः एप्रोन डाँडायागु शहरत जुयाः बाला धाइगु किर्यत-यारीमपाखे क्‍वय् क्‍वहां वन।

न्‍यायकर्ता 1:18

यहूदायापिं मनूतय्‌सं गाजा, अश्‍कलोन व एक्रोन शहरयात व उमिगु लागानापं काल।

१ शमूएल 17:52

अनंलि इस्राएल व यहूदाया मनूत तःसलं हा हां इमिगु ल्‍यूल्‍यू वन अले इमित गात व एक्रोनया मू ध्‍वाखाय् तक हे लिनायंकल। शारैमपाखें गात व एक्रोन वनेगु लँय् उखेंथुखें इमिगु सीम्‍ह जक जुल।

१ शमूएल 5:10

अथे जुयाः परमेश्‍वरया बाचाया सनू इमिसं नं एक्रोनय् छ्वल। तर परमेश्‍वरया बाचाया सनू एक्रोनय् थ्‍यनेवं अनयापिं मनूत थथे धकाः ततःसलं हाल, “जिपिं व जिमि मनूतय्‌त स्‍यायेत छिमिसं इस्राएलया परमेश्‍वरया बाचाया सनू थन हयागु ला?”

१ शमूएल 5:8

इमिसं थ्‍व सनूयात छु यायेमाली धकाः न्‍यनेत पलिश्‍तीतय् फुक्‍क शासकतय्‌त सःताहल, अले इमिके न्‍यन, “थ्‍व इस्राएलया परमेश्‍वरया सनूयात जिमिसं छु यायेगु?” अले इमिसं लिसः बिल, “इस्राएलया परमेश्‍वरया सनूयात गातय् तयेयंकि।” अथे जुयाः इमिसं इस्राएलया परमेश्‍वरया सनूयात अन तये यंकल।

१ शमूएल 7:14

पलिश्‍तीतय्‌सं कब्‍जा यानातःगु एक्रोनंनिसें गात तकया शहरत हाकनं इस्राएलीतय्‌सं तुं लित काल। अले इस्राएलीतय्‌सं लिक्‍क लाःगु लागात पलिश्‍तीतपाखें त्‍वःतकल। अले इस्राएलीत व एमोरीतय् दथुइ नं शान्‍ति जुल।