यहोशू 14:2 - नेवाः बाइबल

² परमप्रभुं मोशायात आज्ञा बियादीगु थें यर्दनयागु पच्‍छिमय् दुगु देश सर्बयकथं चिट्ठा तयाः ल्‍यंदुपिं उपिं गुंगू व बच्‍छि कुलयात इनाबिल।

यहोशू 14:2 ပူးပေါင်းရင်းမြစ်များ

हितोपदेश 16:33

झीसं थथःम्‍हं थःगु खँ क्‍वःछिना जुये, तर परमप्रभुं हे फुक्‍क खँ क्‍वःछिनादी।

हितोपदेश 18:18

निम्‍हं उतिकं हे धिसिलाःपिं जुल कि चिट्ठा तयाः त्‍याःबू क्‍वःछी।

इजकिएल 45:1

“‘छिमिसं इस्राएलया कुल कुलयात सर्बयकथं देश इनाबीबलय् छिमिसं उकिं परमप्रभुया निंतिं १३ किलोमिटर ताहाकःगु व ११ किलोमिटर तब्‍यागु छगू पवित्रथाय् अलग या। व फुक्‍क लागा पवित्र जुइ।

गन्‍ती 26:52

परमप्रभुं मोशायात धयादिल,

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

गन्‍ती 34:13

मोशां इस्राएलीतय्‌त उजं बिल, “थ्‍व देशयात सर्बय सर्बयकथं गोला तयाः इनाका। परमप्रभुं थुकियात गुंगू व बागू कुलयात ब्‍यु धकाः उजं बियादीगु दु।

गन्‍ती 34:17

“छिमित सर्बयकथं जमिन इनाबीपिं मनूतय्‌गु नां थथे दु, पुजाहारी एलाजार व नूनया काय् यहोशू।

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

प्रेरित 1:26

अले इमिसं चिट्ठा तल, चिट्ठा मतियासयात लात। थथे मतियासनापं यानाः आः झिंनिम्‍ह प्रेरित खात।

यहोशू 13:7

अले थुकियात गुंगू कुल व मनश्‍शेया बच्‍छि कुलयात सर्बयकथं इनाब्‍यु।”

यहोशू 18:10

अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।

यहोशू 18:6

अनंलि छिमिसं देशयागु न्‍हय्‌ब्‍वया बयान च्‍वयाः जिथाय् ज्‍वना वा। अले जिं छिमिगु लागि परमप्रभु थः परमेश्‍वरया न्‍ह्यःने चिट्ठा तये।