यहोशू 13:9 - नेवाः बाइबल

⁹ अर्नोनया खोँचया च्‍वसं दुगु अरोएर शहर अले खोँचया दथुइ लाःगु गामं न्‍यनावंगु दु। दीबोन तक हे मेदबाया माथु नं लाः।

यहोशू 13:9 ပူးပေါင်းရင်းမြစ်များ

२ शमूएल 24:5

अनंलि इपिं यर्दन पुलावन, अरोएरनेर शहरया दच्‍छिन पाखेया खुसि लिक्‍क पाल ग्‍वल, अले गाद जुयाः याजेर तक हे न्‍ह्यज्‍यात।

१ इतिहास 19:7

इमिसं ३२,००० रथनापं माकाया जुजु व वया सेनात बालं कयाहल। माकायाम्‍ह जुजुया सेना वयाः मेदबाया लिक्‍क छाउनी तयाः च्‍वन। सकल अम्‍मोनीत नं थथःगु शहरं लडाइँ यायेत पिहां वल।

नहेम्‍याह 11:25

छुं यहूदी कुलयापिं मनूत थथःगु बुँ लिक्‍क लाःगु गामय् च्‍वनीगु खः। किर्यत-अर्बा व उकिया जःख च्‍वंगु बस्‍तीइ, दीबोन व उकिया जःखः च्‍वंगु बस्‍तीइ अले यकब्‍सेल व उकिया गामय्।

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यर्मिया 48:18

“हे दीबोनय् च्‍वंपिं मनूत, थःगु गौरवं कुहां वयाः गंगु जमिनय् च्‍वँ, छाय्‌धाःसा मोआबयात नाश याइम्‍ह छंगु विरोधय् वइ। वं छंगु छचाःखेरं पःखाः ग्‍वयातःगु शहरत नाश याइ।

यर्मिया 48:22

दीबोन, नेबो व बेथ दिब्‍लातैम,

यर्मिया 48:8

अले परमप्रभुं धयादीगु थें नाश याइम्‍ह छिमिगु फुक्‍क शहरय् वइ, छगू शहर नं बचय् जुइ मखु। ब्‍यासि नं नाश जुइ, पहाडयागु माथंवंगु जमिनयात नं नाश याइ।

गन्‍ती 21:30

अय्‌नं आः ला जिमिसं इमित त्‍याकाःगु दु, हेश्‍बोननिसें दीबोन तक नाश जुइ धुंकल। जिमिसं नोपा व मेदबा तक नं इमित भज्‍यंक स्‍यंकाबी धुन।”

व्‍यवस्‍था 2:36

अर्नोन खुसियागु न्‍हसिकाप च्‍वसं दुगु अरोएरनिसें अले न्‍हसिकापया दथुइ दुगु शहरंनिसें गिलाद तक झीसं त्‍याकाकाये मफुगु बल्‍लाःगु शहर छगू नं मदु। परमप्रभु झी परमेश्‍वरं दक्‍व झीत बियादिल।

व्‍यवस्‍था 3:12

उबलय् झीसं व देश त्‍याकाकयाबलय् अर्नोन खुसियागु न्‍हसिकाप च्‍वसं दुगु अरोएरंनिसें कयाः गिलाद पर्वतया बच्‍छि ब्‍व व उकिया शहर जिं रूबेनी व गादीतय्‌त बिया।

व्‍यवस्‍था 3:16

जिं रूबेनी व गादीतय्‌त गिलादंनिसें अर्नोन खुसि तक (खुसिया दथु अम्‍मोनीतय् दच्‍छिन सिमाना खः) अले उत्तरय् अम्‍मोनीतय्‌गु सिमाना यब्‍बोक खुसि तक बिया।

यहोशू 12:2

छम्‍ह हेश्‍बोनय् राज्‍य याइम्‍ह एमोरी जुजु सीहोन, वं अर्नोन खोँचया च्‍वसं दुगु अरोएर शहरंनिसें अम्‍मोनीतय्‌गु सिमानायागु यब्‍बोक खुसि तक राज्‍य याइगु खः। उकी बच्‍छि गिलाद नं लाः।

यहोशू 13:10

अले हेश्‍बोनय् च्‍वनीम्‍ह सी धुंकूम्‍ह एमोरीतय् जुजु सीहोनया फुक्‍क शहरया अम्‍मोनीतय् सिमाना तक।

यहोशू 13:16

इमिगु सिमाना थुकथं दु – अर्नोन खोँचया च्‍वसं दुगु अरोएर शहर व खोँचया दथुइ लाःगु गां, व मेदबाया फुक्‍क माथुंनिसें कयाः

यहोशू 13:8

मनश्‍शेया बच्‍छि कुल, रूबेनीत, व गादीतय्‌सं धाःसा यर्दन पुर्बयागु देश परमप्रभुया दास मोशापाखें थथःगु सर्बयकथं काये धुंकूगु खः।