यहोशू 13:31 - नेवाः बाइबल

³¹ अले गिलादया बच्‍छि ब्‍व व न्‍हापा बाशानया जुजु ओग च्‍वनीगु शहरत अस्‍तारोत व एद्रई। थुपिं इलाका मनश्‍शेया काय् माकीरया बच्‍छि सन्‍तानतय्‌त वंश वंश यानाः बिल।

यहोशू 13:31 ပူးပေါင်းရင်းမြစ်များ

१ इतिहास 6:71

गेर्शोनीतय्‌त थुपिं शहरत उकिया जःखः च्‍वंगु पशु ज्‍वयेगु थाय्‌तनापं ब्‍यूगु खः। मनश्‍शेया बच्‍छि कुलया इलाकां बाशानय् गोलान व अस्‍तारोत।

भजनसंग्रहया सफू 60:7

गिलाद व मनश्‍शेनं जिगु हे खः। एफ्राइम जिगु छ्यंया सुरक्षा खः। यहूदा जिगु राजदण्‍ड खः।

इजकिएल 48:4

“नप्‍तालीया सिमानाया लिक्‍कसं, पुर्बंनिसें पच्‍छिम तक मनश्‍शेयागु छब्‍व जुइ।

यहोशू 12:4

मेम्‍ह अस्‍तारोत व एद्रईलय् राज्‍य यानाच्‍वम्‍ह बाशानया जुजु ओग। व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः।

यहोशू 13:12

अथे धयागु अस्‍तारोत व एद्रईलय् शासन याइम्‍ह बाशानयाम्‍ह जुजु ओगया फुक्‍क देश, व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः। मोशां इमित बुकाबिल अले इमिगु जमिनयात कब्‍जा यात।

यहोशू 13:32

यरीहो शहरयागु पुर्बपाखे, यर्दन खुसिया उखे मोआबया मैदानय् मोशां सम्‍पत्तिकथं इनाब्‍यूगु ब्‍वत थुपिं हे खः।

यहोशू 17:5

थुकथं यर्दनया पुर्बपाखे च्‍वंगु गिलाद व बाशान देश बाहेक मनश्‍शेयात पच्‍छिमपाखे मेगु झिब्‍व यर्दनया पारि दत।

यहोशू 17:6

छाय्‌धाःसा मनश्‍शेया मिजंतनापं मनश्‍शेया मिस्‍तय्‌त नं सर्बय् दत। मेपिं मनश्‍शेया सन्‍तानतय्‌त गिलाद देश बी धुंकूगु खः।

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

न्‍यायकर्ता 10:6

हाकनं इस्राएलीतय्‌सं अराम, सीदोन व मोआबयापिं अले अम्‍मोनीत व पलिश्‍तीतय् द्यःत अले बालद्यः व अश्‍तोरेत द्यःमय्‌जुयात पुजा यानाः परमप्रभुया मिखाय् मभिंगु ज्‍या यात। इमिसं परमप्रभुयात त्‍वःतल अले वय्‌कःया सेवा नं मयात।

न्‍यायकर्ता 5:17

गिलाद यर्दनया उखे हे च्‍वन। अले दान छाय् जहाजतय्‌गु लिक्‍क पियाच्‍वंगु? आशेर समुद्रया सिथय् हे लिबाकाच्‍वन, अले थःगु हे गुफातय् च्‍वन।

१ शमूएल 12:10

अले इमिसं ग्‍वाहालिया निंतिं तःसलं परमप्रभुयात थथे धाल, जिमिसं पाप यानागु दु छाय्‌धाःसा जिपिं छि परमप्रभुपाखें फहिलाः बाल व अश्‍तोरेत मूर्तितय्‌गु पुजा यानागु खः। तर जिमित जिमि शत्रुतपाखें बचय् यानादिसँ। अले जिमिसं छिगु हे सेवा याये।

१ शमूएल 7:3

अले शमूएलं फुक्‍क इस्राएल जातियात थथे धाल, “छिपिं दुनुगलंनिसें परमप्रभुयाथाय् लिहां वयेगु खःसा, छिकपिनि दथुं मेपिं द्यःत व अश्‍तोरेत द्यःमय्‌जुया थां लिकयाः वांछ्व। अले थःगु फुक्‍क मन व दुनुगलंनिसें परमप्रभुपाखे लिहां वा, अले वय्‌कःया सेवा या। अले तिनि वय्‌कलं छिकपिन्‍त पलिश्‍तीतय्‌गु ल्‍हातं त्‍वःतकादी।”