यहोशू 12:6 - नेवाः बाइबल

⁶ परमप्रभुया दास मोशा व इस्राएलीतय्‌सं इपिं निम्‍ह जुजुपिन्‍त बुकल। परमप्रभुया दास मोशां रूबेनीतय्‌त, गादीतय्‌त व मनश्‍शेया बच्‍छि कुलयात अधिकार यायेत थुपिं निम्‍ह जुजुपिनिगु देश बिल।

यहोशू 12:6 ပူးပေါင်းရင်းမြစ်များ

१ राजा 4:19

गिलादय् – ऊरीया काय् गेबेर (एमोरीतय् जुजु सीहोन व बाशानया जुजु ओगया देश)। व उगु जिल्‍लायाम्‍ह छम्‍ह हे जक बडा-हाकिम खः।

गन्‍ती 32:29

वं इमित धाल, “गादी व रूबेनीत छिपिंनापं परमप्रभुया न्‍ह्यःने लडाइँलय् ल्‍वाभः ज्‍वनाः यर्दनया उखे वंसा अले देश छिमिगु ल्‍हातय् दये धुंकाः छिमिसं गिलाद देश इमित सम्‍पत्तिकथं ब्‍यु।

गन्‍ती 32:32

जिपिं ल्‍वाभः ज्‍वनाः परमप्रभुया न्‍ह्यःने खुसिया उखेपाखे कनान देशय् वने, अय्‌नं जिमिगु थःगु सर्बय यर्दनया थुखे हे जुइमा।”

गन्‍ती 32:33

अले मोशां गादीत, रूबेनीतय्‌त व योसेफया काय् मनश्‍शेया बच्‍छि कुलयात एमोरीतय् जुजु सीहोनयागु देश व बाशानया जुजु ओगयागु देश इमिगु सिमाना दुने लाःगु शहर नापं फुक्‍क देश बिल।

यहोशू 14:3

मोशां निगू व बच्‍छि कुलयात न्‍हापा हे यर्दनया पुर्बय् लाःगु देश सर्बयकथं इनाबी धुंकूगु खः। लेवीया सन्‍तानतय्‌त धाःसा वं देशयागु छुं सर्बय् ब्‍यूगु मदु।

यहोशू 18:7

लेवी कुलतय्‌त धाःसा छिमिगु दथुइ छुं सर्बय् दइ मखु, छाय्‌धाःसा परमप्रभुं बियादीगु पुजाहारीया ज्‍या हे इमिगु सर्बय् खः। गाद, रूबेन व मनश्‍शेया बच्‍छि कुलयात यर्दनया पुर्बय् परमप्रभुया दास मोशां ब्‍यूगु इलाका दये धुंकूगु दु।”

यहोशू 22:4

आः छिमि परमप्रभु परमेश्‍वरं छिमि मेपिं इस्राएलीतय्‌त नं थःगु बचंकथं आराम बियादी धुंकूगु दु। उकिं परमप्रभुया दास मोशां यर्दन पारि छिमित ब्‍यूगु थःगु जमिन दुगु थथःगु छेँय् लिहां हुँ।