यहोशू 12:3 - नेवाः बाइबल

³ वं अराबाया पुर्बय् गालील समुद्रंनिसें दच्‍छिनय् मृत-सागर तक, अले च्‍वय् बेथ-यशीमोतपाखे व दच्‍छिनय् पिसगाया क्‍वय्‌यागु पाःचा तक नं राज्‍य याइगु खः।

यहोशू 12:3 ပူးပေါင်းရင်းမြစ်များ

उत्‍पत्ति 14:3

इपिं फुक्‍क सिद्दीम अर्थात मृत सागरया ब्‍यासिइ मुन।

उत्‍पत्ति 19:25

वय्‌कलं उकिया जःखः च्‍वंगु गांतय्‌त व अन सःगु फुक्‍कं नाश यानादिल।

१ राजा 15:20

बेन-हददं आसा जुजुया खँ स्‍वीकार यात। वं थः सेनापतितनापं थः सेना इस्राएलया शहरय् हमला यायेत छ्वत। इमिसं इयोन, दान, हाबिल-बेथ-माका, किन्‍नरेतया फुक्‍क लागा व नप्‍ताली कुलया फुक्‍क देश त्‍याका काल।

इजकिएल 25:9

उकिं जिं मोआबया पच्‍छिमयागु सिमानाय् हमला याकेबी। थुकी दुने मोआबया बांबांलाःगु शहरत बेथ-यशीमोत, बालमोन व किर्यातैम शहर नं लाः।

गन्‍ती 21:20

अनं इपिं मोआबया गालय् वन। अन दुगु पिसगाया च्‍वकां मरुभूमि खने दु।

गन्‍ती 34:11

अनं क्‍वहां वनाः ऐनया पुर्बय् लाःगु रिब्‍ला तक थ्‍यनी। अनं गालीलया समुद्रया पुर्बया सिथय् च्‍वंगु डाँडाय् क्‍वहां वनी।

लूका 5:1

छन्‍हु येशू गनेसरेत धाःगु समुद्र सिथय् दना च्‍वनादीबलय् ग्‍वाः ग्‍वाः मनूत धित्तुधिनाः परमेश्‍वरयागु वचन न्‍यनेत वय्‌कःयाथाय् वल।

यूहन्‍ना 6:1

अनंलि येशू गालील समुद्र पारिइ झाल। थुकियात तिबेरियास समुद्र नं धाः।

व्‍यवस्‍था 3:17

उकियागु पच्‍छिमी सिमाना उत्तरय् किन्‍नरेत समुद्रंनिसें दच्‍छिनय् पिसगाया पाःचा क्‍वय् च्‍वंगु खारा समुद्र तक यर्दन खुसि खः।

व्‍यवस्‍था 4:49

यर्दनया पुर्बय् पिसगाया पाचाया क्‍वय् च्‍वंगु मृत सागर तक इस्राएलीतय्‌सं फुक्‍क अराबा त्‍याका काल।

यहोशू 11:2

उत्तरया पहाडी देशय् च्‍वपिं जुजुपिन्‍त, गालील समुद्रया दच्‍छिनयागु अराबाय् दुपिं जुजुपिन्‍त अले पच्‍छिमया फेदीइ दुपिं जुजुपिन्‍त व पच्‍छिमय् नेपोत डोरय् दुपिं जुजुपिन्‍त,

यहोशू 13:20

बेथ-पोर, पिसगाया पाःचा, व बेथ-यशीमोत तक।

यहोशू 15:2

इमिगु दच्‍छिनयागु सिमाना मृत-सागरयागु दच्‍छिन सिथंनिसें शुरु जुयाः

यहोशू 15:5

पुर्बयागु सिमाना मृत सागरया दच्‍छिनया सिथंनिसें शुरु जुयाः पच्‍छिमया सिथ नापनापं यर्दन खुसि समुद्रय् दुहां वनीगु थाय् मथ्‍यंतले उत्तरपाखे वन। उत्तरया सिमाना यर्दन खुसि समुद्रय् वनीगु थासं शुरु जुल।

यहोशू 3:16

न्‍ह्यानावःगु लः दित, अनं खुसिया यक्‍व च्‍वय् सार्तानया न्‍ह्यःने आदम धाःगु शहर लिक्‍क हे लः छथाय् मुंगुलिं मृत-सागरय् न्‍ह्यानावंगु लः मन्‍त। उकिं मनूत यरीहोया चुलिंचू छिनावन।