यहोशू 12:24 - नेवाः बाइबल

²⁴ अले तिर्सायाम्‍ह जुजु छम्‍ह, थुपिं सकलें यानाः स्‍वीछम्‍ह जुजुपिं दु।

यहोशू 12:24 ပူးပေါင်းရင်းမြစ်များ

१ राजा 14:17

अले यारोबामया कलाः तिर्साय् लिहां वन। वं छेँया लुखाखलुइ पलाः तयेवं काय्‌मचा सित।

१ राजा 16:23

आसा यहूदाया जुजु जूगु स्‍विछदँ दुबलय् ओम्री इस्राएलया जुजु जुल। वं इस्राएलय् झिंनिदँ तक शासन यात। न्‍हापां वं खुदँ तक तिर्साय् शासन यात।

२ राजा 15:14

अबलय् गदीया काय् मनहेम तिर्सां सामरियाय् वन। वं अन याबेशया काय् शल्‍लूमयात हमलायाना स्‍यात। अले व वयागु थासय् जुजु जुल।

२ इतिहास 34:1

योशियाह च्‍यादँ दुबलय् जुजु जूगु खः। वं यरूशलेमय् स्‍विछदँ राज्‍य यात।

नहेम्‍याह 9:24

“इमिसं कनान देश त्‍याकल, अनयापिं मनूत कनानीतय्‌त छिं इमिगु हे अधीनय् बियादिल। छिं कनानीतय्‌त इमि जुजुपिं व देशय् च्‍वंपिं मनूतलिसे थः यःथें व्‍यवहार यायेत इमिगु ल्‍हातय् बियादिल।

भजनसंग्रहया सफू 135:11

वय्‌कलं एमोरीतय् जुजु सीहोन, बाशानया जुजु ओग व कनानयापिं सकलें जुजुपिन्‍त स्‍यानादिल।

व्‍यवस्‍था 7:24

अले वय्‌कलं इमि जुजुतय्‌त छिमिगु ल्‍हातय् बियादी, अले छिमिसं पृथ्‍वीं इमिगु नां हुयाछ्‌वइ। सुं छम्‍ह नं छिमिगु न्‍ह्यःने दनाच्‍वने फइ मखु। छिमिसं इमित नाश याइ।