यहोशू 11:20 - नेवाः बाइबल

²⁰ छाय्‌धाःसा परमप्रभुं इमिगु नुगः छाय्‌कादीगु खः, अले इस्राएलीतलिसें ल्‍वाके ब्‍यूगु खः, परमप्रभुं मोशायात आज्ञा बियादीगु थें इपिं माया मदय्‌कं हे सकलें नाश जुइमा धकाः।

यहोशू 11:20 ပူးပေါင်းရင်းမြစ်များ

२ शमूएल 17:14

अब्‍शालोम व फुक्‍क इस्राएलीतय्‌सं धाल, “अहीतोपेलया सल्‍लाह स्‍वयाः हूशैयागु सल्‍लाह हे बांलाः।” छाय्‌धाःसा परमप्रभुं अब्‍शालोमयात नाश यायेत अहीतोपेलया बांलाःगु सल्‍लाहयात मानय् मयाकेगु क्‍वछिनादी धुंकूगु खः।

१ राजा 12:15

थुकथं जुजु रहबामं उपिं मनूतय्‌गु खँ न्‍यं हे मन्‍यं छाय्‌धाःसा शीलोयाम्‍ह अगमवक्ता अहियाहपाखें नबातया काय् यारोबामयात परमप्रभुं धयादीगु वचन पूवनेत वय्‌कलं थज्‍याःगु अवस्‍था हयादीगु खः।

२ इतिहास 22:7

अहज्‍याह योरामयाथाय् वंगु हे वयागु लागि परमेश्‍वरपाखें नाशया कारण जुल। व अन थ्‍यंबलय् अहज्‍याह योरामनापं निम्‍शीया काय् येहूयात नापलाः वन। आहाबया घरानायात नाश यायेत परमप्रभुं येहूयात हे ल्‍ययादीगु खः।

२ इतिहास 25:16

वं थथे धयाच्‍वंबलय् हे अमस्‍याहं वयात धाल, “गुबलय्‌निसें जिमिसं छन्‍त जुजुयात सल्‍लाह बीम्‍ह दय्‌कागु? सुम्‍क च्‍वँ, मखुसा जिमिसं छन्‍त स्‍याके बी।” अगमवक्ता थुलि धयाः सुम्‍क च्‍वन, “परमेश्‍वरं छितः नाश यायेगु पक्‍का बिचाः यानादिल धयागु खँ जिं सिल। छाय्‌धाःसा छिं थ्‍व फुक्‍क यानादिल अले जिगु सल्‍लाहयात वास्‍ता याना मदिल।”

प्रस्‍थान 10:1

परमप्रभुं मोशायात धयादिल, “फारोयाथाय् हुँ, इमिगु दथुइ जिं थःगु अजू चायापुगु चिं क्‍यनेत हे जिं वयागु व वया भारदारतय्‌गु नुगः छाय्‌काबियागु खः।

प्रस्‍थान 11:10

मोशा व हारूनं फारोया न्‍ह्यःने थज्‍याःगु अजू चायापुगु ज्‍या फुक्‍क यानाक्‍यन, अय्‌नं परमप्रभुं फारोया नुगः छाय्‌कादिल। अले वं इमित थःगु देशं वने मबिल।

प्रस्‍थान 14:17

जिं मिश्रीतय्‌गु नुगः छाय्‌काबी। अले इमिसं छिमित अन नं ल्‍यू वनी। जिं थःगु शक्ति क्‍यनेत फारोया सिपाइँ, सल व रथयात नाश यानाबी।

प्रस्‍थान 14:4

जिं मिश्रया जुजु फारोया नुगः छाय्‌काबी, वं छिमित ल्‍यू वइ। जिं फारो व वया सेनायात त्‍याके, अले जिगु महिमा जुइ। मिश्रीतय्‌सं जि हे परमप्रभु खः धकाः सीकी।” इस्राएलीतय्‌सं अथे हे यात।

प्रस्‍थान 14:8

परमप्रभुं मिश्रया जुजु फारोया नुगः छाय्‌कादिल। उकिं वं इस्राएलीतय्‌त ल्‍यू वन, अय्‌नं इस्राएलीत मग्‍यासे वनाच्‍वन।

प्रस्‍थान 4:21

परमप्रभुं मोशायात धयादिल, “छं मिश्रय् लिहां वनाः जिं छन्‍त बियागु शक्तिं फुक्‍क अजू चायापुगु ज्‍या फारोया न्‍ह्यःने याना क्‍यँ। अय्‌नं जिं वयागु नुगः छाय्‌काबी, अले वं मनूतय्‌त वनेबी मखु।

प्रस्‍थान 9:12

परमप्रभुं फारोया नुगः अझ छाय्‌कादिल। अले परमप्रभुं मोशायात धयादी थें वं इमिगु खँ मन्‍यन।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

रोमी 9:18

अय्‌जूगुलिं वय्‌कलं दया यानादी मास्‍ति वःम्‍हय्‌सित दया यानादी। अले सुयागु नुगः छाय्‌के मास्‍ति वः वयात छाय्‌कादी।

व्‍यवस्‍था 2:30

अय्‌नं हेश्‍बोनया जुजु सीहोनं झीत थःगु देश जुयाः वने मब्‍यू छाय्‌धाःसा परमप्रभु छिमि परमेश्‍वरं वयात छिमिगु ल्‍हातय् बीत वयागु मनयात जिराहा व अतेरि यानादिल। अले थौं तक व छिमिगु ल्‍हातय् दु।

व्‍यवस्‍था 7:16

परमप्रभु छिमि परमेश्‍वरं छिमिगु ल्‍हातय् बियादीपिं फुक्‍क जातितय्‌त छिमिसं नाश यानाब्‍यु। इमित माया याये मते। इमि द्यःतय्‌त पुजा याये मते, छाय्‌धाःसा व हे छिमित तक्‍यंकीगु जाः जुइ।

न्‍यायकर्ता 14:4

वया मांबौनं थ्‍व परमप्रभुपाखें खः धयागु खँ मस्‍यूगु जुयाच्‍वन। पलिश्‍तीतय्‌गु विरोधय् परमप्रभुं मौका स्‍वयाच्‍वनादीगु खः। छाय्‌धाःसा उबलय् पलिश्‍तीतय्‌सं इस्राएलय् शासन यानाच्‍वंगु खः।

१ शमूएल 2:25

छुं जुयाः छम्‍ह मनुखं मेम्‍ह मनूया विरोधय् पापयात धाःसा परमप्रभुं मिलय् यानादी, तर परमप्रभुया विरोधय् हे पापयात धाःसा सुनां मिलय् याइ?” तर एलीया काय्‌पिन्‍सं थः बौयागु खँय् ध्‍यान मब्‍यू, छाय्‌धाःसा परमप्रभुं इमित स्‍यायेगु क्‍वःछिनादी धुंकूगु खः।