18 यहोशू इपिं जुजुपिंलिसें यक्व दिं तक ल्वात।
दच्छिनय् सेइर पाखेयागु हालाक डाँडांनिसें हेर्मोन पर्वत क्वय्यागु लेबनानय् दुगु ब्यासियागु बाल-गाद तक त्याका काल। वं इमि सकल जुजुपिन्त ज्वनाः स्यात।
गिबोनय् च्वनिपिं हिव्वीत बाहेक मेगु छुं नं शहरयापिं मनूतय्सं इस्राएलीतलिसें शान्तियागु सन्धि मयाः। फुक्क शहरयात इस्राएलीतय्सं लडाइँ यानाः त्याकल।
थथे परमप्रभुं मोशायात धयादीगु थें हे यहोशूं फुक्क देश त्याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्ति जुल।
