यहोशू 11:16 - नेवाः बाइबल

¹⁶ उकिं यहोशूं थुपिं देश त्‍याका काल – पहाडी देश, दच्‍छिनय् नेगेवया फुक्‍क इलाका, पहाडी देशय् वनीगु गोशेनया इलाका, पच्‍छिमया फेदी, अराबा व इस्राएलया पहाडी देश अले उकिया फेदीत फुक्‍क हे त्‍याकाः काःगु खः।

यहोशू 11:16 ပူးပေါင်းရင်းမြစ်များ

भजनसंग्रहया सफू 105:44

वय्‌कलं इमित मेमेगु जातियापिनिगु जमिन बियादिल, अले इमिसं मेमेगु जातियापिन्‍सं मेहनत याःगुया फल थःगु अधिकारय् काल।

भजनसंग्रहया सफू 78:55

वय्‌कलं थः मनूत न्‍ह्यांवंलिसे अनयापिं जात जातियापिं मनूतय्‌त ख्‍याना छ्वयादिल। अले इमिगु देश इस्राएलया कुलतय्‌त सर्बयकथं इनाबियादिल। इमिगु छेँनं थः मनूतय्‌त बियादिल।

इजकिएल 17:23

इस्राएलया पहाडया च्‍वका च्‍वकाय् जिं व पी। उकिया कचात दइ अले वं फल सय्‌की, अले व छमा देवदारुया बांलाःगु सिमा जुइ। फुक्‍क कथंयापिं झंगःपन्छितय्‌सं उकी स्‍वँ दय्‌की, अले उकिया किचलय् इपिं च्‍वनी।

इजकिएल 36:8

“‘तर हे इस्राएलया पहाडत, छिमिसं थःगु कचात बुइकी, जिगु प्रजा इस्राएलया लागि फल सय्‌की, छाय्‌धाःसा इपिं याकनं हे छेँ लिहां वइ।

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

यहोशू 10:41

थथे यहोशूं कादेश-बर्नेंनिसें कयाः गाजा तक व गोशेनंनिसें गिबोन तकयापिं मनूतय्‌त स्‍यानाबिल।

यहोशू 11:15

परमप्रभुं थः दास मोशायात बियादीगु आज्ञाकथं मोशां यहोशूयात आज्ञा बिल, अले यहोशूं अथे हे यात। परमप्रभुं मोशायात छु छु आज्ञा बियादीगु खः, यहोशूं उपिं फुक्‍क पूवंकल।

यहोशू 11:2

उत्तरया पहाडी देशय् च्‍वपिं जुजुपिन्‍त, गालील समुद्रया दच्‍छिनयागु अराबाय् दुपिं जुजुपिन्‍त अले पच्‍छिमया फेदीइ दुपिं जुजुपिन्‍त व पच्‍छिमय् नेपोत डोरय् दुपिं जुजुपिन्‍त,

यहोशू 11:21

अबलय् यहोशूं पहाडी देशय् वनाः हेब्रोन, दबीर, अनाब, यहूदा व इस्राएलयागु फुक्‍क पहाडी देशय् च्‍वनिपिं अनाकीतय्‌त नाश यानाबिल। यहोशूं इमिगु शहरनापं इमित भज्‍यंक नाश यानाबिल।

यहोशू 12:8

पहाडी देश, पच्‍छिमया फेदी, अराबा, अराबा क्‍वहां वनीगु पुर्बया पाःचा, मरुभूमि व दच्‍छिनय् नेगेव देशयापिं हित्ती, एमोरी, कनानी, परिज्‍जी, हिव्‍वी, व एबूसीतय् जुजुपिं थुपिं खः –

यहोशू 9:1

यर्दनया पच्‍छिमपाखे पहाडी देशय् व पच्‍छिमया फेदीइ अले लेबनान तक भूमध्‍यसागरया सिथय् च्‍वनिपिं फुक्‍क हित्ती, एमोरी, कनानी, परिज्‍जी, हिव्‍वी व यबूसी जुजुपिन्‍सं थ्‍व खँ न्‍यनाः