यहोशू 11:12 - नेवाः बाइबल

¹² अले थुपिं फुक्‍क शहरत इमि जुजुपिंनापं यहोशूं त्‍याका काल, अले परमप्रभुया दास मोशाया आज्ञाकथं इमित तरवारं भज्‍यंक नाश यानाबिल।

यहोशू 11:12 ပူးပေါင်းရင်းမြစ်များ

व्‍यवस्‍था 7:2

परमप्रभु छिमि परमेश्‍वरं इमित छिमिगु ल्‍हातय् बियादिल, छिमिसं इमित बुकीबलय् छिमिसं इमित भज्‍यंक नाश यानाब्‍यु। इपिंलिसें सन्‍धि याये मते। अले इमित माया याये मते।

व्‍यवस्‍था 9:3

अय्‌नं थौं छिमिसं थ्‍व खँ बांलाक सीकि, ह्वाना ह्वाना च्‍यानाच्‍वंगु मि थें छिमिगु न्‍ह्यःने न्‍ह्यःने झाइम्‍ह परमप्रभु छिमि परमेश्‍वर हे खः। वय्‌कलं इमित नाश यानादी अले छिमिगु न्‍ह्यःने क्‍वत्‍यलादी। परमप्रभुं छिमित बचं बियादीगु थें छिमिसं इमित लिनाछ्वयाः याकनं हे नाश याइ।

यहोशू 10:20

यहोशू व इस्राएलीतय्‌सं इमित नाश याःबलय् इमि बचय्‌ जूपिं छुं मनूत जक पखाः दुगु थथःगु शहरय् दुहां वन।

यहोशू 10:28

उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

यहोशू 10:30

परमप्रभुं व शहर व अनयाम्‍ह जुजुयात इस्राएलीतय्‌गु ल्‍हातय् बियादिल, अले वयात व अन दुपिं सकल मनूतय्‌त तरवारं स्‍यानाबिल। वं अन सुयातं नं बाकि मतल। यरीहोयाम्‍ह जुजुयात वं गथे याःगु खः अनयाम्‍ह जुजुयात नं वं अथे हे यात।

यहोशू 10:32

परमप्रभुं लाकीशयात इस्राएलीतय्‌गु ल्‍हातय् बियादिल। थथे निगूगु दिंखुन्‍हु इमिसं उकियात त्‍याका काल। वं लिब्‍नायात याःगु थें हे व शहर व अन दुपिं सकल मनूतय्‌त तरवारं नाश यात।

यहोशू 10:35

उखुन्‍हु हे इमिसं उकियात त्‍याका काल, अले लाकीशय् याःगु थें तुं अनयापिं सकल मनूतय्‌त तरवारं नाश यानाबिल।

यहोशू 10:37

इमिसं व शहरयात त्‍याका काल। अनयाम्‍ह जुजुयात, अन दुपिं सकल मनूतय्‌त व उकिया थुखे उखेया गांयापिं मनूतय्‌त तरवारं स्‍यानाबिल। इमिसं सुयातं बाकि मतसें एग्‍लोनय् याःगु थें तुं उकियात व अन दुपिं फुक्‍कसित भज्‍यंक नाश यानाबिल।

यहोशू 11:13

यहोशूं हासोर शहर जक छ्वय्‌काब्‍यूगु खः। डाँडाया मेगु छुं शहरयात इमिसं मछ्वय्‌कू।

यहोशू 11:15

परमप्रभुं थः दास मोशायात बियादीगु आज्ञाकथं मोशां यहोशूयात आज्ञा बिल, अले यहोशूं अथे हे यात। परमप्रभुं मोशायात छु छु आज्ञा बियादीगु खः, यहोशूं उपिं फुक्‍क पूवंकल।

यहोशू 13:6

“लेबनानंनिसें मिस्रपोत-मैम तक सीदोनीतय् पहाडयागु देशयापिं मनूत, जिं थःम्‍हं हे इपिं सकसित इस्राएलीतय्‌गु न्‍ह्यःनें लिनाछ्वये। जिं छन्‍त धया थें व देश इस्राएलीतय्‌त चिट्ठा तयाः सर्बयकथं इनाब्‍यु।

यहोशू 21:44

परमप्रभुं इमि पुर्खातलिसें पाफयादीगु थें वय्‌कलं देशय् न्‍यंक इमित आराम बियादिल। इमि छम्‍ह नं शत्रु इमि न्‍ह्यःने दने मफुत छाय्‌धाःसा परमप्रभुं इस्राएलीतय्‌गु ल्‍हातय् इमि फुक्‍क शत्रुत लःल्‍हानादिल।

यहोशू 8:31

परमप्रभुया दास मोशां इस्राएलीतय्‌त ब्‍यूगु उजंकथं नयागु ज्‍याभलं मथ्‍यूगु ल्‍वहंतय्‌गु छगू वेदी दय्‌कल। उकी इमिसं परमप्रभुयागु निंतिं होमबलि व मेलबलि छाल।

यहोशू 8:8

शहर त्‍याकाकाइबलय् छिमिसं उकियात मिं छ्वय्‌काब्‍यु। परमप्रभुं धयादी थें छिमिसं या। जिगु उजं छिमिके दु।”

यहोशू 9:24

अले इमिसं यहोशूयात लिसः बिल, “परमप्रभु छिकपिनि परमेश्‍वरं थः दास मोशायात थ्‍व देश फुक्‍क छिकपिन्‍त बीगु व थ्‍व देशयापिं फुक्‍क मनूतय्‌त नाश यायेगु उजं बियादीगु खँ जिमित धाःगु दु। छिकपिं खनाः जिपिं तसकं ग्‍यात। उकिं जिमिसं थथे यानागु खः।