यहोशू 10:8 - नेवाः बाइबल

⁸ परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

यहोशू 10:8 ပူးပေါင်းရင်းမြစ်များ

१ राजा 20:13

थुबलय् हे छम्‍ह अगमवक्तां इस्राएलया जुजुयाथाय् वयाः थथे धाल, “परमप्रभुं थथे धयादी, ‘छु छं शत्रुतय् ग्‍वाः ग्‍वाः सिपाइँतय्‌त खं ला? थौं हे जिं थुपिं सकसितं छंगु ल्‍हातय् लाकाबी, अले छं जि हे परमप्रभु खः धका म्‍हसी।’”

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

व्‍यवस्‍था 3:2

परमप्रभुं जितः धयादिल, “व खनाः ग्‍याये मते, छाय्‌धाःसा वयात, वया फुक्‍क सेना व देशनापं छिमिगु ल्‍हातय् बियागु दु। छिमिसं हेश्‍बोनय् राज्‍य याइम्‍ह एमोरीतय् जुजु सीहोनयात गथे यानागु खः वयात नं अथे हे या।”

व्‍यवस्‍था 7:24

अले वय्‌कलं इमि जुजुतय्‌त छिमिगु ल्‍हातय् बियादी, अले छिमिसं पृथ्‍वीं इमिगु नां हुयाछ्‌वइ। सुं छम्‍ह नं छिमिगु न्‍ह्यःने दनाच्‍वने फइ मखु। छिमिसं इमित नाश याइ।

यहोशू 10:25

यहोशूं इमित धाल, “ग्‍याये मते, नुगः क्‍वतुंके मते। बल्‍ला व साहसी जु, छाय्‌धाःसा छिमिसं ल्‍वाय्‌माःपिं छिमि शत्रुत फुक्‍कसित परमप्रभुं थथे हे यानादी।”

यहोशू 10:9

गिलगालं चच्‍छि न्‍यासि वनाः यहोशू व वया सेनां आकाझाकां एमोरीतय्‌त हमला यात।

यहोशू 11:6

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा कन्‍हय् थुबलय् हे इपिं स्‍याःपिं सकसितं जिं इस्राएलीतय्‌गु ल्‍हातय् तयाबी। छं इमि सलतय्‌गु तुतिख्‍वःया लिउने च्‍वंगु सँय्‌प्‍वाँय् चानाब्‍यु, अले इमिगु रथत मिं छ्वय्‌काब्‍यु।”

यहोशू 8:1

अले परमप्रभुं यहोशूयात धयादिल, “ग्‍याये मते, नुगः क्‍वतुंके मते! फुक्‍क सेना ज्‍वनाः ऐ शहरय् हमला या हुँ। ऐयाम्‍ह जुजु, वया प्रजा, वयागु शहर व वयागु देशयात जिं छंगु ल्‍हातय् बियागु दु।

न्‍यायकर्ता 6:16

परमप्रभुं लिसः बियादिल, “जि छलिसें दइ अले छं फुक्‍क मिद्यानीतय्‌त छकलं स्‍याइ।”

न्‍यायकर्ता 7:9

उखुन्‍हु चान्‍हय् परमप्रभुं गिदोनयात धयादिल, “दँ! व छाउनीइ ल्‍वायेत कुहां हुँ, छाय्‌धाःसा उकियात जिं छंगु ल्‍हातय् बीत्‍यनागु दु।

१ शमूएल 17:47

अले थन दुपिं सकसिनं सीकी परमप्रभुं नं तरवारं न भालां बचय् यानादी। छाय्‌धाःसा लडाइँ परमप्रभुयागु हे खः, अले वय्‌कलं हे छिपिं सकले जिमिगु ल्‍हातय् लःल्‍हानादीगु दु।”