यहोशू 10:42 - नेवाः बाइबल

⁴² थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 10:42 ပူးပေါင်းရင်းမြစ်များ

भजनसंग्रहया सफू 118:6

परमप्रभु जि नाप दी, जितः ग्‍याये माःगु मदु। मनूतय्‌सं जितः छुं हे याये फइ मखु।

भजनसंग्रहया सफू 46:1

परमेश्‍वर झीगु शरण कायेगु थाय् व बल खः, अले दुःखया इलय् अःपुक दइगु ग्‍वाहालि खः।

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

भजनसंग्रहया सफू 80:3

हे परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 14:25

इमिगु रथया घःचाः तुनाच्‍वन, उकिं इमित रथ सालेत थाकुल। अले मिश्रीतय्‌सं धाल, “थनं बिस्‍युं वनेनु, परमप्रभु इस्राएलीतय्‌गु पंलिनाः झीपिंलिसे ल्‍वानाच्‍वंगु दु।”

यशैया 43:4

छ जिगु मिखाय् तसकं मू वंम्‍ह व हनाबना दुम्‍ह जूगुलिं, जिं छन्‍त माया यानागुलिं जिं मनूतय्‌त छंगु पलेसा व जात जातितय्‌त छंगु जीवनया पलेसा बी।

व्‍यवस्‍था 20:4

छाय्‌धाःसा परमप्रभु छिमि परमेश्‍वर हे छिमि शत्रुतलिसें ल्‍वानाः छिमित त्‍याकेत छिपिंनाप नापं झायादी।”

यहोशू 10:14

परमप्रभुं छम्‍ह मनूया खँ न्‍यनादिल। उखुन्‍हु थें न्‍हापा व लिपा गुबलें मजू। धात्‍थें हे इस्राएलीतय्‌गु निंतिं परमप्रभुं ल्‍वानादिल।

यहोशू 10:43

अनंलि यहोशू फुक्‍क सेनानापं गिलगालयागु छाउनीइ लिहां वल।