यहोशू 10:28 - नेवाः बाइबल

²⁸ उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

यहोशू 10:28 ပူးပေါင်းရင်းမြစ်များ

भजनसंग्रहया सफू 110:1

परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

१ कोरिन्‍थी 15:25

अथेसां ख्रीष्‍टया फुक्‍क शत्रुतय्‌त बुकाः परमेश्‍वरं वय्‌कःयागु पालि तःले मततले वय्‌कलं हे राज्‍य यानादी।

व्‍यवस्‍था 2:34

उबलय् झीसं वयागु फुक्‍क शहर त्‍याकाकयाः उपिं शहरय् च्‍वंपिं मिजंत, मिसात व मस्‍तय्‌त भज्‍यंक नाश यानाबिया। झीसं छम्‍हय्‌सित नं मत्‍वःता।

व्‍यवस्‍था 7:16

परमप्रभु छिमि परमेश्‍वरं छिमिगु ल्‍हातय् बियादीपिं फुक्‍क जातितय्‌त छिमिसं नाश यानाब्‍यु। इमित माया याये मते। इमि द्यःतय्‌त पुजा याये मते, छाय्‌धाःसा व हे छिमित तक्‍यंकीगु जाः जुइ।

व्‍यवस्‍था 7:2

परमप्रभु छिमि परमेश्‍वरं इमित छिमिगु ल्‍हातय् बियादिल, छिमिसं इमित बुकीबलय् छिमिसं इमित भज्‍यंक नाश यानाब्‍यु। इपिंलिसें सन्‍धि याये मते। अले इमित माया याये मते।

यहोशू 10:30

परमप्रभुं व शहर व अनयाम्‍ह जुजुयात इस्राएलीतय्‌गु ल्‍हातय् बियादिल, अले वयात व अन दुपिं सकल मनूतय्‌त तरवारं स्‍यानाबिल। वं अन सुयातं नं बाकि मतल। यरीहोयाम्‍ह जुजुयात वं गथे याःगु खः अनयाम्‍ह जुजुयात नं वं अथे हे यात।

यहोशू 10:32

परमप्रभुं लाकीशयात इस्राएलीतय्‌गु ल्‍हातय् बियादिल। थथे निगूगु दिंखुन्‍हु इमिसं उकियात त्‍याका काल। वं लिब्‍नायात याःगु थें हे व शहर व अन दुपिं सकल मनूतय्‌त तरवारं नाश यात।

यहोशू 10:35

उखुन्‍हु हे इमिसं उकियात त्‍याका काल, अले लाकीशय् याःगु थें तुं अनयापिं सकल मनूतय्‌त तरवारं नाश यानाबिल।

यहोशू 10:37

इमिसं व शहरयात त्‍याका काल। अनयाम्‍ह जुजुयात, अन दुपिं सकल मनूतय्‌त व उकिया थुखे उखेया गांयापिं मनूतय्‌त तरवारं स्‍यानाबिल। इमिसं सुयातं बाकि मतसें एग्‍लोनय् याःगु थें तुं उकियात व अन दुपिं फुक्‍कसित भज्‍यंक नाश यानाबिल।

यहोशू 10:39

इमिसं जुजुनापं शहरयात व उकिया फुक्‍क गांयात त्‍याका काल। इमिसं अन दुपिं फुक्‍कसित भज्‍यंक नाश यानाबिल। इमिसं सुं छम्‍हय्‌सित नं म्‍वाःका मतः। इमिसं हेब्रोन व लिब्‍ना अले अनयाम्‍ह जुजुयात याःगु थें तुं दबीर व अनयाम्‍ह जुजुयात नं यात।

यहोशू 12:15

लिब्‍नायाम्‍ह जुजु छम्‍ह, अदुल्‍लामयाम्‍ह जुजु छम्‍ह,

यहोशू 12:16

मक्‍केदायाम्‍ह जुजु छम्‍ह, बेथेलयाम्‍ह जुजु छम्‍ह,

यहोशू 15:41

गदेरोत, बेथ-दागोन, नामा व मक्‍केदा– थुपिं फुक्‍क झिंखुगूगु शहर व इमिगु छचाःखेरं दुगु गां।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 8:2

छं यरीहो व वया जुजुयात छु छु यानागु खः, ऐ व वया जुजुयात नं अथे हे या। अनयागु धनमाल व अनयापिं पशुत धाःसा छिमिसं थःगु निंतिं काये फइ। शहरया ल्‍युने हमला यायेत सुला च्‍वँ।”

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः