यहोशू 10:26 - नेवाः बाइबल

²⁶ अनंलि यहोशूं इपिं जुजुपिन्‍त स्‍यात अले इमित न्‍यागू थामय् सुयाब्‍यु धकाः थः मनूतय्‌त आज्ञा बिल। इपिं सन्‍ध्‍याकाः ई तक थामय् हे यग्‍गानाच्‍वन।

यहोशू 10:26 ပူးပေါင်းရင်းမြစ်များ

२ शमूएल 21:6

व हे मनूया घरानाया न्‍हय्‌म्‍ह मनूत जिमित ब्‍यु। अले परमप्रभुं ल्‍ययातःम्‍ह जुजु शाऊलया गिबाय् परमप्रभुयागु हे न्‍ह्यःने जिमिसं इमित स्‍यानाः निभालय् व फसय् तयाबी।” अनंलि जुजुं लिसः बिल, “जिं छिमित इपिं बी।”

२ शमूएल 21:9

दाऊदं इमित गिबोनीतय्‌गु ल्‍हातय् लःल्‍हाना बिल, अले इमिसं इमित परमप्रभुया न्‍ह्यःने डाँडाय् स्‍यानाः इमिगु सीम्‍ह यख्‍खानाबिल। इपिं न्‍हय्‌म्‍ह छकलं क्‍वय् कुतुंवन। इमित तछ्व लयेगु न्‍हापांगु दिनय् स्‍याःगु खः।

एस्‍तर 2:23

थ्‍व खँयात कयाः न्‍यंकं दुवालाः स्‍वःबलय् धात्‍थें खः धयागु दसि लुल अले जुजुं उपिं निम्‍ह मनूयात थामय् यख्‍खायाः स्‍यानाबिल। थुपिं फुक्‍कं खँ जुजुयागु न्‍ह्यःने इतिहासया सफुलिइ च्‍वल।

भजनसंग्रहया सफू 149:7

इमिसं जाति जातियात बदला कायेमा, देश देशयापिं मनूतय्‌त सजाँय बीमा,

भजनसंग्रहया सफू 18:41

इपिं ग्‍वाहालिया निंतिं हाल, अय्‌नं इमित सुनानं बचय् याः मवः। इमिसं परमप्रभुयात सःतल, अय्‌नं वय्‌कलं लिसः बियामदी।

गन्‍ती 25:4

परमप्रभुं मोशायात धयादिल, “थुपिं मनूतय् सकल नायःतय्‌त ज्‍वँ! अले परमप्रभुया ग्‍यानपुसे च्‍वंगु तं इस्राएलीतपाखें चिलावनेमा धकाः परमप्रभुया न्‍ह्यःने इमित सकसिनं खंक सुयाः स्‍यानाब्‍यु।”

मत्ती 27:25

अले मनूतय्‌सं थथे धयाहल – “ज्‍यू, वयात स्‍याःगु पाप जिमित व जिमि सन्‍तानयात हे लायेमा।”

यूहन्‍ना 19:31

कन्‍हय् खुन्‍हु छुत्‍कारायागु नखः व विश्रामबार जूगुलिं अले थ्‍व यहूदीतय् तःधंगु नखः जूगुलिं, क्रूसय् मनू यख्‍खाया तये मज्‍यूगुलिं यहूदीतय् नायःतय्‌सं पिलातसयात इमिगु तुति त्‍वथुलाः सीम्‍ह यंकि धकाः बिन्‍ति यात।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

यहोशू 8:29

वं ऐयाम्‍ह जुजुयात छगू थामं सुयाबिल अले वयात सन्‍ध्‍याकाः ई तक हे अन तया तल। सूर्य बिनावंगु इलय् वं वयागु म्‍हयात थामं क्‍वकयाः शहरयागु ध्‍वाखाया क्‍वय् वांछ्वयाबिल। इमिसं सीम्‍ह च्‍वय् ल्‍वहंयागु द्वं मुंकाबिल। व थौं तक द हे दनि।

न्‍यायकर्ता 8:21

उकिं जेबह व सल्‍मुन्‍नां धाल, “छिं थः हे दनाः जिमित स्‍यानादिसँ, ‘मनू गथे च्‍वं वयागु बल नं अथे हे जुइ।’” उकिं गिदोनं इपिं निम्‍हय्‌सित स्‍यात अले वं इमि ऊँटया गःपतय् दुगु तिसा काल।

१ शमूएल 15:33

तर शमूएलं धाल, “छंगु तरवारं यक्‍व मिसातय्‌त मस्‍त मदुपिं याः थें छिमि मां नं आः मस्‍त मदुम्‍ह जुइ।” अनंलि शमूएलं अगागयात परमप्रभुया न्‍ह्यःने गिलगालय् स्‍यात।