यहोशू 10:20 - नेवाः बाइबल

²⁰ यहोशू व इस्राएलीतय्‌सं इमित नाश याःबलय् इमि बचय्‌ जूपिं छुं मनूत जक पखाः दुगु थथःगु शहरय् दुहां वन।

यहोशू 10:20 ပူးပေါင်းရင်းမြစ်များ

२ शमूएल 20:6

दाऊदं अबीशैयात धाल, “बिक्रीया काय् शेबां झीत अब्‍शालोमं स्‍वयाः नं अप्‍वः दुःख बी थें च्‍वं। छं जि सिपाइँत ब्‍वना यंकाः वयात लिनायंकी मखुसा व पखाः दुगु शहरय् थ्‍यन धाःसा व झीपाखें बिस्‍युं वनी।”

१ राजा 20:21

इस्राएलया जुजु आहाब जुजु न्‍ह्यज्‍यात। वं अरामीतय् सल व रथत कब्‍जा यात, अले यक्‍व अरामीतय्‌त स्‍यात।

२ इतिहास 13:17

थुकथं अबिया व वया सिपाइँतय्‌सं इमित बांमलाक बुकल, इमिसं इस्राएलयापिं न्‍यागू लाख वीर सिपाइँतय्‌त स्‍यानाबिल।

यर्मिया 4:5

“यहूदाय् थ्‍व न्‍यंकि, यरूशलेमय् थ्‍व च्‍वय्‌कि, ‘देशन्‍यंक तुरही पु!’ तःसलं हालाः धा, ‘छथाय् मुं! झीपिं छचाःखेरं पःखाः ग्‍वयातःगु शहरय् बिस्‍युं वनेनु।’

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

व्‍यवस्‍था 20:16

छिमित परमप्रभु छिमि परमेश्‍वरं सर्बयकथं बियादीगु थुपिं जातिया शहर शहरय् च्‍वनिपिं धाःसा सुं छम्‍हय्‌सित नं म्‍वाकातये मते।

यहोशू 10:10

परमप्रभुं एमोरीतय्‌त भ्‍वय्‌भ्‍वय् कंकादिल अले इस्राएलीतय्‌सं इमित गिबोनय् बांमलाक बुकल। अले बेथ-होरोनया तँचाय् इमित लिनाः आजेका व मक्‍केदा तक हे स्‍यास्‍यां क्‍वहां वन।

यहोशू 10:19

तर छिपिं दी मते, छिमि शत्रुतय्‌त लिना हे च्‍वँ, इमि ल्‍युने लाःपिन्‍त स्‍यानाछ्व। इमित थथःगु शहरय् दुहां वनेबी मते। छाय्‌धाःसा परमप्रभु छिमि परमेश्‍वरं इमित छिमिगु ल्‍हातय् बियादीगु दु।”

यहोशू 10:21

सकल सेना मक्‍केदाया छाउनीइ यहोशूयाथाय् बांलाक लिहां वल। इस्राएलीतय्‌गु विरोधय् सुनानं छसः नं न्‍वमवाः।

यहोशू 11:12

अले थुपिं फुक्‍क शहरत इमि जुजुपिंनापं यहोशूं त्‍याका काल, अले परमप्रभुया दास मोशाया आज्ञाकथं इमित तरवारं भज्‍यंक नाश यानाबिल।

यहोशू 11:8

अले परमप्रभुं इमित इस्राएलीतय्‌गु ल्‍हातय् बियादिल। व इस्राएलीतय्‌सं इमित बुकाः उत्तरय् तःधंगु सीदोन व मिश्रपोत-मैम तक अले पुर्बय् मिस्‍पाया ब्‍यासि तक लिनायंकल। छम्‍हय्‌सित नं बाकि मतसें इस्राएलीतय्‌सं इमित स्‍यात।

यहोशू 8:24

इस्राएलीतय्‌सं ऐयापिं सकल मिजंतय्‌त थःपिन्‍त ल्‍यूगु मरुभूमिया ख्‍यलय् स्‍याये धुंकाः सकल इस्राएलीत ऐ शहरय् लिहां वल, व अन दुपिं सकसितं हे स्‍यात।