यहोशू 10:14 - नेवाः बाइबल

¹⁴ परमप्रभुं छम्‍ह मनूया खँ न्‍यनादिल। उखुन्‍हु थें न्‍हापा व लिपा गुबलें मजू। धात्‍थें हे इस्राएलीतय्‌गु निंतिं परमप्रभुं ल्‍वानादिल।

यहोशू 10:14 ပူးပေါင်းရင်းမြစ်များ

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 14:25

इमिगु रथया घःचाः तुनाच्‍वन, उकिं इमित रथ सालेत थाकुल। अले मिश्रीतय्‌सं धाल, “थनं बिस्‍युं वनेनु, परमप्रभु इस्राएलीतय्‌गु पंलिनाः झीपिंलिसे ल्‍वानाच्‍वंगु दु।”

यशैया 38:8

आहाजया त्‍वाथलय् निभाःया किचः गुगु क्‍वय्‌पाखे वने धुंकूगु दु, जिं झिपलाः ल्‍युने लित छ्वयाबी।’” अथे जुयाः निभाःया किचः क्‍वय् क्‍वहां वनाच्‍वंगु जूसां झिपलाः लिज्‍यावन।

जकरिया 14:3

अनंलिपा लडाइँया इलय् थें परमप्रभु उपिं जातितलिसें लडाइँ यानादी।

लूका 17:6

अले वय्‌कलं धयादिल – “छिमिके तू छग्‍वःति जक विश्‍वास दुसां छिमिसं थ्‍व हाकुगु किम्‍बु मायात – ‘ल्‍यहेँ दनाः समुद्रय् ला हुँ’ धाःसा छिमिगु खँ वं न्‍यनी।”

व्‍यवस्‍था 1:30

छिमिगु न्‍ह्यःने झायादीम्‍ह, छिमि परमप्रभु परमेश्‍वर थः हे मिश्रय् छिमिगु मिखाया न्‍ह्यःने ल्‍वानादीगु थें हे छिमिगु पंलिनाः ल्‍वानादी।

यहोशू 10:15

अनंलि यहोशूनापं फुक्‍क इस्राएलीत गिलगालया छाउनीइ लिहां वल।

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 23:3

छिमिगु निंतिं परमप्रभु छिमि परमेश्‍वरं थुपिं फुक्‍क जातितय्‌त छु छु यानादिल, व फुक्‍क खंगु दु। छिमिगु निंतिं लडाइँ यानादीम्‍ह छिमि परमप्रभु परमेश्‍वर खः।