यहोशू 10:11 - नेवाः बाइबल

¹¹ हानं इपिं इस्राएलीतय्‌गु न्‍ह्यःनें आजेका तक हे तँचाय् बिस्‍युं वनाच्‍वंबलय् परमप्रभुं आकाशं इमिथाय् ततःग्‍वःगु प्‍वँ गाकादिल। इस्राएलीतय्‌गु तरवारं सीपिं मनूत स्‍वयाः अप्‍वः मनूत प्‍वँ दायाः सित।

यहोशू 10:11 ပူးပေါင်းရင်းမြစ်များ

उत्‍पत्ति 19:24

अले परमप्रभुं सदोम व गमोरा शहरय् मि व गन्‍धकयागु वा गाय्‌कादिल।

२ शमूएल 18:8

अन नं लडाइँ प्‍यखेरं न्‍यनावन। जंगलय् नाश जूपिं तरवारं स्‍याःपिं स्‍वयाः अप्‍वः जुल।

अय्‍यूब 38:22

“छ च्‍वापुया धुकुतिइ वनागु दु ला? अथवा प्‍वँ मुंकातःगु थाय् छं खनागु दु ला?

अय्‍यूब 38:23

गुकियात जिं आपत जुइबलय्‌या लागि, अर्थात युद्ध व लडाइँया लागि ल्‍यंकातयागु दु।

भजनसंग्रहया सफू 11:6

वय्‌कलं दुष्‍टतय्‌थाय् मि व गन्‍धक गाय्‌कादी। तच्‍वकं क्‍वाःगु फय् छ्वयाः इमित सजाँय बियादी।

भजनसंग्रहया सफू 147:17

वय्‌कलं ल्‍वहंचात थें प्‍वँ गाय्‌कादी, वय्‌कःया चिकुयात सुनानं सह याये फइ मखु।

यशैया 28:2

परमप्रभुं इमित हमला यायेत सुं तसकं बल्‍लाःम्‍ह व शक्तिं जाःम्‍ह मनू दय्‌कादीगु दु। वं प्‍वँया ग्‍वःफय् वइगु व तसकं वा वइगु अले पने हे मफय्‌क वइगु खुसिबालं थें देशयात भज्‍यंक स्‍यंकाबी।

यशैया 28:21

वय्‌कःया ज्‍या, थःगु गज्‍जबगु ज्‍या पूवंकादीत परमप्रभु पराजीम पर्वतय् दनादी थें दनादी, गिबोनया ब्‍यासि वय्‌कः झायादी थें झाइ।

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

इजकिएल 13:11

उकिं उपिं सख्‍वाः पानाः त्‍वपुयाब्‍यूपिन्‍त व दुनी धकाः धयाब्‍यु! तसकं वा वइ, यक्‍व प्‍वँ गाइ अले तसकं वाफय् वइ।

व्‍यवस्‍था 20:4

छाय्‌धाःसा परमप्रभु छिमि परमेश्‍वर हे छिमि शत्रुतलिसें ल्‍वानाः छिमित त्‍याकेत छिपिंनाप नापं झायादी।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 16:21

पिइगु पिइगु किलो ति दुगु ततःग्‍वःगु प्‍वँ आकाशं कुतुं वयाः मनूतय्‌त लात। थज्‍याःगु प्‍वँ वयाः तसकं महामारी लाःगुलिं मनूतय्‌सं परमेश्‍वरयात सराः बिल, छाय्‌धाःसा थ्‍व तसकं हे तःधंगु ग्‍यानापुगु महामारी खः।

न्‍यायकर्ता 5:20

आकाशं नगुतय्‌सं लडाइँ यात, इमिगु लँपुं इमिसं सीसरालिसें ल्‍वात।