यहोशू 1:9 - नेवाः बाइबल

⁹ जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 1:9 ပူးပေါင်းရင်းမြစ်များ

उत्‍पत्ति 28:15

जि छलिसें दु। छ न्‍ह्याथाय् वंसां जिं छन्‍त स्‍वयाच्‍वने। अले जिं छन्‍त थन हे लित हये। जिं छन्‍त बाचा चिनागु ज्‍या पूमवंतले त्‍वःते मखु।”

उत्‍पत्ति 39:2

परमप्रभु योसेफलिसे दीगुलिं वं याक्‍व ज्‍या भिनावल। व थः मिश्री मालिकया छेँय् च्‍वनीगु खः।

उत्‍पत्ति 39:3

वया मालिकं परमप्रभु व नापं दीगु व वं याःगु न्‍ह्यागुं ज्‍या परमप्रभुं पूवंकादीगु खँ सीकल।

२ शमूएल 13:28

अब्‍शालोमं थः मनूतय्‌त थथे उजं बिल, “मौका स्‍वयाच्‍वँ, अले अमनोन त्‍वनाः धेधे चुइबलय् जिं ‘अमनोनयात स्‍या!’ धकाः धाये। अले छिमिसं वयात स्‍या। ग्‍याये माःगु मदु। साहस यानाः धिसिलाक्‍क च्‍वँ। थ्‍व जिगु छिमित आज्ञा खः।”

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

२ इतिहास 15:7

छिमिगु खँय् धाःसा, छिपिं बल्‍लायेमाः, छिमिसं साहस त्‍वःते मते। छाय्‌धाःसा छिमित थःगु ज्‍याया सिरपाः दइ।”

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

यशैया 8:12

“गुगु नं खँयात थुमिसं जाः ग्‍वयातःगु धकाः धाइ उकियात छं पत्‍याः याये मते। छु खं इपिं ग्‍याइ छ ग्‍याये मते अले नुगः भाराभारा मिंके मते।

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

हाग्‍गै 2:4

परमप्रभुं धयादी, ‘हे यरूबाबेल, साहस या! हे यहोसादाकया काय्, दकलय् तःधंम्‍ह पुजाहारी यहोशू, साहस या!’ परमप्रभुं धयादी, ‘देशय् दक्‍व मनूत साहस यानाः ज्‍या न्‍ह्याकि। छाय्‌धाःसा जि छिपिंलिसे दु,’ दक्‍व शक्ति दुम्‍ह परमप्रभुं घोषणा यानादी।

हाग्‍गै 2:5

‘छिपिं मिश्र देशं पिहां वःबलय् जिं छिमित बियागु बचंकथं जिगु आत्‍मा छिपिंलिसे दया हे च्‍वंगु दु। छिपिं ग्‍याये मते।’

प्रेरित 4:19

अय्‌नं पत्रुस व यूहन्‍नां थथे लिसः बिल – “परमेश्‍वरया न्‍ह्यःने जिमिसं छिकपिनिगु खँ न्‍यनेगु ला कि वय्‌कःयागु खँ न्‍यनेगु? छिकपिन्‍सं हे धयादिसँ।

व्‍यवस्‍था 1:21

स्‍व! परमप्रभु छिमि परमेश्‍वरं थ्‍व देश छिमित बियादीगु दु। अथे जुयाः वनाः थः पुर्खाया परमप्रभु परमेश्‍वरं धयादी थें उकियात अधिकार या। छिपिं ग्‍याये मते, नुगः क्‍वतुंके मते।”

व्‍यवस्‍था 20:1

छिपिं थः शत्रुतलिसें लडाइँ याः वनीबलय् छिमि स्‍वयाः अप्‍वः सलत, रथ व सेना खन धाःसा इपिं खनाः ग्‍याये मते! छिमित मिश्रं पित हयादीम्‍ह परमप्रभु छिमि परमेश्‍वर छिपिंनापं दी।

व्‍यवस्‍था 31:23

परमप्रभुं नूनया काय् यहोशूयात थ्‍व आज्ञा बियादिल, “बल्‍ला व साहसी जु छाय्‌धाःसा जिं बी धकाः पाफयाः बचं बियागु देशय् छं हे इस्राएलीतय्‌त थ्‍यंकी। अले जि छनापं हे दइ।”

व्‍यवस्‍था 31:28

“छिमि कुल कुलयापिं सकलें थकालित व छिमि हाकिमतय्‌त मुंकि, अले जिं इमित थुपिं वचन धाये। इमिगु विरोधय् जिं स्‍वर्ग व पृथ्‍वी साक्षी तये।

यहोशू 1:10

अले यहोशूं मनूतय् नायःतय्‌त उजं बिल,

यहोशू 1:17

जिमिसं मोशायागु फुक्‍क खँ न्‍यनागु थें हे छिगु खँ नं न्‍यने। परमप्रभु छिकपिनि परमेश्‍वर मोशानापं दीगु थें छिनापं नं दीमा।

यहोशू 1:18

छिगु वचनया विरोध याःम्‍ह व वचन मानय् मयाःम्‍ह अले छिगु आज्ञा मानय् मयाःम्‍ह न्‍ह्याम्‍ह हे जूसां वयात स्‍यानाछ्वइ। छि बल्‍ला व साहसी जक जुयादिसँ।”

यहोशू 10:25

यहोशूं इमित धाल, “ग्‍याये मते, नुगः क्‍वतुंके मते। बल्‍ला व साहसी जु, छाय्‌धाःसा छिमिसं ल्‍वाय्‌माःपिं छिमि शत्रुत फुक्‍कसित परमप्रभुं थथे हे यानादी।”

यहोशू 10:8

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

यहोशू 3:7

परमप्रभुं यहोशूयात धयादिल, “थनिंनिसें जिं सकल इस्राएलीतय्‌गु न्‍ह्यःने छन्‍त तःधंके। अले इमिसं जि मोशालिसें दुगु थें छलिसें नं दु धकाः सी।

यहोशू 6:27

थथे परमप्रभु यहोशूलिसें च्‍वनादिल व वयागु नां देशन्‍यंक बय्‌बय् जुल।

यहोशू 8:1

अले परमप्रभुं यहोशूयात धयादिल, “ग्‍याये मते, नुगः क्‍वतुंके मते! फुक्‍क सेना ज्‍वनाः ऐ शहरय् हमला या हुँ। ऐयाम्‍ह जुजु, वया प्रजा, वयागु शहर व वयागु देशयात जिं छंगु ल्‍हातय् बियागु दु।

न्‍यायकर्ता 6:14

अले परमप्रभुं वयात स्‍वयाः धयादिल, “छंके दुगु बल ज्‍वनाः हुँ, अले इस्राएलीतय्‌त मिद्यानीतय्‌गु ल्‍हातं बचय् या। छन्‍त छ्वयाच्‍वनाम्‍ह जि हे खः।”

१ शमूएल 10:7

थुपिं चिंत पूवनिबलय् छु यायेगु बांलाः व हे यानादिसँ छाय्‌धाःसा परमेश्‍वर छिनापं दी।