यहोशू 1:7 - नेवाः बाइबल

⁷ “बल्‍ला व तसकं साहसी जु! जिम्‍ह दास मोशां छन्‍त ब्‍यूगु फुक्‍क व्‍यवस्‍था बांलाक मानय् या। उकिं जवय् खवय् फस्‍वये मते! अले छ न्‍ह्याथाय् वंसां अन ताःलाइ।

यहोशू 1:7 ပူးပေါင်းရင်းမြစ်များ

१ राजा 2:2

“पृथ्‍वीयागु रीति थें जि सीगु ई जुल। उकिं छं थःत बल्‍लाका मिजंम्‍ह मनू जुयाः क्‍यँ।

१ राजा 2:3

परमप्रभु परमेश्‍वरं बियादीगु ज्‍या या। वय्‌कःया लँपुइ हुँ। मोशाया व्‍यवस्‍थाय् च्‍वयातःगु वय्‌कःया विधि, आज्ञा, नियम व आदेशत मानय् या, अले छ न्‍ह्याथाय् वंसां, छं न्‍ह्याःगु ज्‍याय् ल्‍हाः तःसां छ उकी ताःलाइ।

२ राजा 22:2

वं परमप्रभुयात यःगु बांलाःगु ज्‍या यात। वं जव खव गनं मवंसें थः पुर्खा दाऊदयागु लँ लित।

१ इतिहास 22:13

छं परमप्रभुं मोशापाखें इस्राएलयात बियादीगु विधि व नियम बांलाक मानय् यात धाःसा छ ताःलाइ। साहसी व बल्‍लाः जु। ग्‍याये मते वा नुगः क्‍वतुंके मते।

२ इतिहास 15:7

छिमिगु खँय् धाःसा, छिपिं बल्‍लायेमाः, छिमिसं साहस त्‍वःते मते। छाय्‌धाःसा छिमित थःगु ज्‍याया सिरपाः दइ।”

२ इतिहास 26:5

वं थःत परमेश्‍वरयागु भय कायेगु स्‍यनेकने याइम्‍ह जकरिया म्‍वातले परमेश्‍वरयात मालाजुल। परमप्रभुयात माला च्‍वंतले परमेश्‍वरं वयात ताःलाकादिल।

अय्‍यूब 1:8

परमप्रभुं शैतानयात न्‍यनादिल, “छु छं जिम्‍ह दास अय्‍यूबयात खना ला? छाय्‌धाःसा पृथ्‍वीइ व थें जाःम्‍ह दोष मदुम्‍ह, स्‍वजाम्‍ह, परमेश्‍वरया भय काइम्‍ह व मभिंगु ज्‍यापाखें तापाक्‍क च्‍वनीम्‍ह मनू मेपिं सुं मदु।”

भजनसंग्रहया सफू 80:19

हे परमप्रभु, दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

हितोपदेश 4:27

उखेंथुखें पलाः तये मते। तप्‍यंक जु। मभिंपाखें तापाक हे पलाः ति।

हितोपदेश 8:20

जिं न्‍ह्याबलें धार्मिकता व न्‍यायया लँ लिना।

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

गन्‍ती 27:23

परमप्रभुं मोशायात उजं बियादी थें वं थःगु ल्‍हाः यहोशूया छेनय् तल अले वयात मनूतय् नायः जुइगु जिम्‍मा बिल।

व्‍यवस्‍था 11:8

अथे जुयाः छिमिसं जिं थौं कनाच्‍वनागु फुक्‍क आज्ञा मानय् या। अले छिपिं बल्‍लानाः यर्दन छिनाः अधिकार यायेत वनाच्‍वंगु देशयात छिमिसं थःगु याये फइ।

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

व्‍यवस्‍था 28:14

जिं थौं छिमित बियागु आज्ञापाखें फःहिले मते, मेपिं द्यःतय्‌गु ल्‍यूल्‍यू वनाः इमित पुजा याये मते।

व्‍यवस्‍था 29:8

अले झीसं इमिगु देश कयाः सर्बयकथं रूबेनी, गादी व मनश्‍शेया बच्‍छि कुलयात इनाबिया।

व्‍यवस्‍था 29:9

अथे जुयाः थ्‍व बाचाया वचन बांलाक मानय् या अले छिमिसं न्‍ह्यागु याःसां छिमित बांलाइ।

व्‍यवस्‍था 31:7

अले मोशां यहोशूयात सःताः सकलें इस्राएलीतय् न्‍ह्यःने वयात धाल, “बल्‍ला व साहसी जु। छाय्‌धाःसा परमप्रभुं छिमि पुर्खालिसें बी धकाः पाफयादीगु देशय् थुपिं मनूतलिसें छ हे वनी, अले व देशयात छं इमिगु दथुइ इमिगु सर्बयकथं इनाः बीमाः।

व्‍यवस्‍था 4:2

जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

व्‍यवस्‍था 5:32

अथे जुयाः परमप्रभु छिमि परमेश्‍वरया आज्ञाकथं जुइत लुमंका ति। छिपिं जव खवं गन नं वने मते।

यहोशू 1:1

परमप्रभुया दास मोशा सी धुंकाः परमप्रभुं वयात ग्‍वाहालि याइम्‍ह नूनया काय् यहोशूयात थथे धयादिल,

यहोशू 1:8

व्‍यवस्‍थाया थ्‍व सफू छंगु म्‍हुतुं चिलामवनेमाः। चान्‍हि उकी ध्‍यान ब्‍यु! अले उकी च्‍वयातःगु फुक्‍क खँ बांलाक मानय् या। अले छंगु भिं जुइ अले छ ताःलाइ।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 11:15

परमप्रभुं थः दास मोशायात बियादीगु आज्ञाकथं मोशां यहोशूयात आज्ञा बिल, अले यहोशूं अथे हे यात। परमप्रभुं मोशायात छु छु आज्ञा बियादीगु खः, यहोशूं उपिं फुक्‍क पूवंकल।

यहोशू 23:6

“तसकं बल्‍ला जु। मोशायागु व्‍यवस्‍थाया सफुलिइ च्‍वयातःगु फुक्‍क खँ बांलाक मानय् या। उकिं छिपिं जव खवय् वने मते।