यहोशू 1:4 - नेवाः बाइबल

⁴ छिमिगु देशया सिमाना दच्‍छिनय् च्‍वंगु मरुभूमिंनिसें उत्तरय् लेबनानया पहाड तक, पुर्बय् तःधंगु खुसि यूफ्रेटिसंनिसें हित्तीतय्‌गु देश तक कयाः पच्‍छिमय् भूमध्‍यसागर तक थ्‍यनी।

यहोशू 1:4 ပူးပေါင်းရင်းမြစ်များ

१ राजा 10:29

इमिसं मिश्र देशं छगः रथ, ६.९ के.जी. वहः व छम्‍ह सल १.७ के.जी. वहलं झिके याइगु। इमिसं उपिं हित्तीतय् व अरामीतय् जुजुपिन्‍थाय् नं छ्वइगु।

१ राजा 4:21

यूफ्रेटिस खुसिंनिसें कयाः पलिश्‍तीतय्‌गु देश व मिश्रया सिमाना तकयागु फुक्‍क देशय् सोलोमनं शासन याइगु खः। अन च्‍वंपिं मनूतय्‌सं सोलोमनयात कर पुलिगु, वयागु जिवंकाछि हे इपिं वयागु अधीनय् च्‍वन।

१ इतिहास 18:3

यूफ्रेटिस खुसिया लिक्‍क च्‍वंगु लागा त्‍याका कायेत वनाच्‍वंम्‍ह सोबाया जुजु हददेजेरयात दाऊदं हमातया लिक्‍क बुकल।

१ इतिहास 5:9

गिलादय् इमि सा द्वहंतय्‌गु ल्‍याः अप्‍वया वंगुलिं इमिसं व देशया पुर्बपाखे मरुभूमि तकया छगू इलाका कब्‍जा यात। मरुभूमि यूफ्रेटिस खुसि तक न्‍यनावंगु दु।

एज्रा 4:20

बल्‍लाःपिं जुजुपिन्‍सं अन यूफ्रेटिस पच्‍छिमया प्रदेश न्‍यंक राज्‍य याःगु दु। अनयापिं मनूतय्‌के सरकारी कर काःगु दु।

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

व्‍यवस्‍था 11:24

छिमिसं पलाः तःक्‍व थाय् छिमिगु हे जुइ। दच्‍छिनय् नेगेवया मरुभूमिनिसें उत्तरय् लेबनान तक अले पुर्बय् यूफ्रेटिस खुसिनिसें पच्‍छिमय् भूमध्‍यसागर तक हे छिमिगु सिमाना जुइ।

व्‍यवस्‍था 3:25

यर्दनया उखेपाखे च्‍वंगु भिंगु देश, न्‍ह्याइपुसे च्‍वंगु पर्वतया देश व लेबनान स्‍वयेत जितः उखे वनेबियादिसँ।”

प्रकाश 9:14

“यूफ्रेटिस खुसिइ चिनातःपिं प्‍यम्‍ह दूततय्‌त फ्‍यना ब्‍यु।”