यहोशू 1:17 - नेवाः बाइबल

¹⁷ जिमिसं मोशायागु फुक्‍क खँ न्‍यनागु थें हे छिगु खँ नं न्‍यने। परमप्रभु छिकपिनि परमेश्‍वर मोशानापं दीगु थें छिनापं नं दीमा।

यहोशू 1:17 ပူးပေါင်းရင်းမြစ်များ

२ शमूएल 14:17

आः छःपिनि दासीं थथे धाइ, ‘जिमि महाराजया वचनं जितः आराम दयेमा, छाय्‌धाःसा भिं व मभिं थुइकेत छि छम्‍ह परमेश्‍वरया दूत थें खः।’ परमप्रभु छपिनि परमेश्‍वर छिनापं दीमा।”

१ राजा 1:37

गथे परमप्रभु जिम्‍ह महाराजनापं च्‍वनादिल, अथे हे वय्‌कः सोलोमननापं नं च्‍वनादी मा। वयागु सिंहासनयात जिमि प्रभु दाऊदया सिंहासन स्‍वयाः तःधंकेमा।”

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

भजनसंग्रहया सफू 20:1

दुःखया इलय् छन्‍त परमप्रभुं लिसः बियादीमा। याकूबया परमेश्‍वरं छन्‍त बचय् यायेमा।

भजनसंग्रहया सफू 20:4

वय्‌कलं छं मनंतुंगु फुक्‍कं पूवंकादीमा। अले छंगु ग्‍वसाः फुक्‍कं ताःलाकादीमा।

भजनसंग्रहया सफू 20:9

हे परमप्रभु, जिमि जुजुयात त्‍याकेबियादिसँ, अले जिमिगु प्रार्थना न्‍यनाः लिसः बियादिसँ।

गन्‍ती 27:18

परमप्रभुं मोशायात धयादिल, “थज्‍याःगु आत्‍मा दुम्‍ह नूनया काय् यहोशूयात कयाः छं वयागु छेनय् थःगु ल्‍हाः ति।

गन्‍ती 27:20

इस्राएलया फुक्‍क खलकं वयात मानय् यायेमाः धकाः छं वयात छंगु छुं अधिकार ब्‍यु।

मत्ती 21:9

वय्‌कःया ल्‍यूल्‍यू व न्‍ह्यः न्‍ह्यः वयाच्‍वंपिं मनूत थथे धकाः हाल – “होसन्‍ना, दाऊदया काय्, प्रभुया नामं झाःम्‍ह धन्‍यम्‍ह खः। स्‍वर्गय् च्‍वनादीम्‍ह परमेश्‍वरयात होसन्‍ना।”

व्‍यवस्‍था 34:9

नूनया काय् यहोशू बुद्धिया आत्‍मां जाःम्‍ह खः, छाय्‌धाःसा मोशां वया छेनय् थःगु ल्‍हाः तःगु खः। अथे जुयाः इस्राएलीतय्‌सं वयागु खँ न्‍यन, अले परमप्रभुं मोशायात बियादीगु आज्ञा मानय् यात।

यहोशू 1:16

अले इमिसं यहोशूयात थथे लिसः बिल, “छिं जिमित छु छु आज्ञा बियादिल व जिमिसं याये, अले छिं गन गन छ्वयादिल अन अन जिपिं वने।

यहोशू 1:18

छिगु वचनया विरोध याःम्‍ह व वचन मानय् मयाःम्‍ह अले छिगु आज्ञा मानय् मयाःम्‍ह न्‍ह्याम्‍ह हे जूसां वयात स्‍यानाछ्वइ। छि बल्‍ला व साहसी जक जुयादिसँ।”

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 4:14

उखुन्‍हु हे इस्राएलीतय्‌गु न्‍ह्यःने परमप्रभुं यहोशूयात तःधंकल। इमिसं वयात मोशायात थें हे वयागु जिवंकाछि हनाबना यात।

१ शमूएल 17:37

सिंह व भालूपाखें बचय् यानादीम्‍ह परमप्रभुं थ्‍व पलिश्‍तीयागु ल्‍हातं नं जितः बचय् यानादी।” शाऊलं धाल, “अथे खःसा छ हुँ, अले परमप्रभु छनापं दीमा।”

१ शमूएल 20:13

तर जिमि बौनं छिगु बारे मभिं बिचाः याःगु दुसा, जिं छितः खबर बियाः याउँक बिसिके मछ्वल धाःसा परमप्रभुं जितः स्‍यानादीमा। परमप्रभु जिमि बाःलिसें दीगु थें छिनापं नं दीमा।