यहोशू 1:14 - नेवाः बाइबल

¹⁴ ‘छिमि कलाःपिं, मचाखाचा व सा द्वहं मोशां छिमित यर्दनया पुर्बपाखे ब्‍यूगु देशय् च्‍वने फइ। लडाइँ याइपिं मिजंत धाःसा मेपिं इस्रएलीतय्‌त ग्‍वाहालि यायेत ल्‍वाभः ज्‍वनाः इमिगु न्‍ह्यः न्‍ह्यः पारि वनेमाः।

यहोशू 1:14 ပူးပေါင်းရင်းမြစ်များ

प्रस्‍थान 13:18

उकिं परमेश्‍वरं इमित चाःहिकाः मरुभूमिया लँ जुकाः लाल समुद्रपाखे यंकादिल। इस्राएलीत लडाइँया निंतिं ल्‍वाभः घानाः मिश्रं वन।

गन्‍ती 32:26

जिमि मचाखाचा, मिस्‍त, सा द्वहं, फै, दुगु-च्‍वलय् धाःसा थन गिलादया शहरय् हे च्‍वनी।

व्‍यवस्‍था 20:8

अले कप्‍तानतय्‌सं मनूतय्‌त थथे नं धा “थन सुं ग्‍याफ्रा व धन्‍दा काइम्‍ह दुसा थःगु छेँय् लिहां वनेमा। छाय्‌धाःसा वं यानाः मेपिं सेनातय्‌गु नुगः क्‍वतुनी।”

व्‍यवस्‍था 3:19

अय्‌नं छिमि कलाःपिं, मस्‍त व पशुत जिं छिमित बियागु शहरय् हे च्‍वनी। (छिमिके यक्‍व पशुत दु धकाः जिं स्‍यू।)

व्‍यवस्‍था 33:21

इमिसं थःगु निंतिं दकलय् भिंगु थाय् ल्‍यल, इमिगु निंतिं नायःया ब्‍व तयातःगु दु। थकालितय्‌सं मुंज्‍या याःबलय् परमप्रभुयागु धार्मिक इच्‍छा गय् यानाः मानय् यायेमाः, धाइपिं इपिं हे खः।”

यहोशू 1:13

“परमप्रभु छिमि परमेश्‍वरं छिमित आराम बियादी अले छिमित थ्‍व देश बियादीगु दु धकाः परमप्रभुया दास मोशां छिमित ब्‍यूगु आज्ञा लुमंकी।

यहोशू 1:15

परमप्रभु छिमि परमेश्‍वरं बियादीगु यर्दनया पच्‍छिम पाखेया देश त्‍याकाः मकातले छिपिं न्‍ह्यः न्‍ह्यः वनेमाः। परमप्रभुं छिमित थें इमित आराम बियादी धुंकाः छिपिं लिहां वयाः परमप्रभुया दास मोशां यर्दनया पुर्बय् छिमित ब्‍यूगु देशय् च्‍वने फइ।’”

यहोशू 4:12

मोशां इमित धाःथें रूबेनया कुल गादया कुल व मनश्‍शेया बच्‍छि कुलया मिजंतय्‌सं ल्‍वाभः ज्‍वनाः इस्राएलीतय् न्‍ह्यःने हे खुसि छिनावन।

प्रकाश 17:4

व मिसां तसकं थिकेगु ह्याउँसे, वँचुसे च्‍वंगु वसतं पुनातःगु दु। वं लुँ, हिरा, मोतीया तिसां म्‍ह छम्‍हं तिया तःगु दु। वयागु व्‍यभिचार याःगु घच्‍चायापुसे च्‍वंगु व मभिंगु खं जाःगु छगः लुँयागु ख्‍वल्‍चा वं ल्‍हातय् कयातःगु दु।