योना 4:2 - नेवाः बाइबल

² वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।

योना 4:2 ပူးပေါင်းရင်းမြစ်များ

१ राजा 19:4

थः धाःसा मरुभूमिइ न्‍हिच्‍छि न्‍यासि वन। व छमा सिमा दुथाय् दित अले सिमाया क्‍वय् फेतुनाः वं थः सीसां जिल धकाः मतिइ तयाः प्रार्थना यात, “हे परमप्रभु, जिगु ज्‍यान कयादिसँ, आः अप्‍वः जुइ धुंकल। छाय्‌धाःसा जि थः पुर्खात स्‍वयाः भिंम्‍ह मखु।”

भजनसंग्रहया सफू 103:8

परमप्रभु दयादुम्‍ह व माया यानादीम्‍ह खः। वय्‌कः काचाक्‍क तंम्‍वयादी मखु, अले सदां दयाच्‍वनीगु दया मायां जाःम्‍ह खः।

भजनसंग्रहया सफू 145:8

परमप्रभु दया माया दुम्‍ह खः। वय्‌कः तंचायेत लिबाकादीम्‍ह व तसकं दया माया यानादीम्‍ह खः।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

भजनसंग्रहया सफू 86:15

तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।

भजनसंग्रहया सफू 86:5

हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।

भजनसंग्रहया सफू 90:13

अज्‍ज ग्‍वःन्‍हु तक छिगु तं दयाच्‍वनी? हे परमप्रभु! थः दासतय्‌त दया यानादिसँ।

प्रस्‍थान 32:14

अले परमप्रभुं थः मनूतय्‌त स्‍यंकेगु बिचाःयात हीकादिल।

यर्मिया 18:8

व जाति गुगु जातिया विरोधय् जिं थ्‍व खँ धया, उगु जातियापिं मनूतय्‌सं मभिंगु ज्‍या यायेगु त्‍वःतल धाःसा, जिं बिचाः यानागु विपत्ति इमिके हयेगुपाखें जिं थःगु मन हीके।

यर्मिया 20:7

हे परमप्रभु, छिं जितः ह्यय्‌कादिल। जिं थःत ह्यय्‌के बिया। छि जि स्‍वयाः बल्‍लाः, छिं जितः त्‍याकादीगु दु। न्‍हियान्‍हिथं जितः हेस्‍याइगु। सकलें जि खनाः न्‍हिलीगु।

यर्मिया 26:13

आः छिकपिन्‍सं थथःगु पहःचहः व ज्‍या भिंकादिसँ, परमप्रभु थः परमेश्‍वरया आज्ञा पालन यानादिसँ। अले छिकपिन्‍सं मभिं ज्‍या याःगुलिं वय्‌कलं छिकपिन्‍त नाश याये धकाः दय्‌कादीगु वय्‌कःया योजना पूरा यानादी मखु।

यर्मिया 42:10

‘छिपिं थ्‍व हे देशय् च्‍वन धाःसा जिं छिमित नाश याये मखु तर छिमित तयातये, जिं छिमित लिनाकाये मखु तर पी, छाय्‌धाःसा जिं छिमिगु छु स्‍यंकागु खः उकिया निंतिं जिगु नुगः ख्‍वः।

आमोस 7:3

थ्‍व खँय् परमप्रभु इपिंलिसें नरम जुयादिल। “थथे जुइ मखु,” परमप्रभुं धयादिल।

आमोस 7:6

थ्‍व खँय् परमप्रभु इपिंलिसें नरम जुयादिल। “थथे नं जुइ मखु,” परमप्रभु परमेश्‍वरं धयादिल।

योना 1:3

योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

योना 3:10

इमिसं छु छु यात, इमिसं गुकथं मभिंगु ज्‍या त्‍वःतल फुक्‍क स्‍वयाः परमेश्‍वरं थःगु मन हीकादिल। वय्‌कलं इमित नाश याये धकाः क्‍वःछिनादीगु जूसां नाश याना मदिल।

योना 3:9

सुनां स्‍यू– परमेश्‍वरं थःगु मन हीकादी ला, अले तं क्‍वलाकाः झीत बचय् यानादी ला?”

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

लूका 10:29

अय्‌नं वं थःत भिं धाय्‌केत वय्‌कःयात थथे धाल – “जिमि जःलाखःला धाःम्‍ह सु खः लय् सा?”

व्‍यवस्‍था 4:31

वय्‌कलं छिमित त्‍वःतादी मखु, नाश यानादी मखु। छिमि पुर्खालिसें पाफयाः क्‍वःछिनादीगु बाचा ल्‍वःमंकादी मखु, छाय्‌धाःसा परमप्रभु छिमि परमेश्‍वर माया यानादीम्‍ह खः।