योना 4:11 - नेवाः बाइबल

¹¹ धासेंलि अपाय्‌मछि तःधंगु छगू लाख व निइद्वलं मयाक छुं मस्‍यूपिं मस्‍त व अल्‍याख पशु दुगु निनवे शहर खनाः जि नुगः मछिं मजुइ ला?”

योना 4:11 ပူးပေါင်းရင်းမြစ်များ

उत्‍पत्ति 9:10

अले छिपिंलिसे जहाजं पिहांवःपिं फुक्‍क झंगःत, लहीपिं व जंगली पशुत व पृथ्‍वीइ दुपिं प्राणीतलिसे जिं बाचा चिने।

भजनसंग्रहया सफू 104:14

छिं सा द्वहंया निंतिं घाँय् व मनूतय्‌गु निंतिं स्‍वां-सिमा सय्‌कादी। अले इमिसं थःगु बाली सय्‌के फइ।

भजनसंग्रहया सफू 36:6

छि धर्मीम्‍ह खः धयागु खँ पहाड थें धिसिलाः, छिगु न्‍याय समुद्र थें तःजाः। छिं मनू व पशुतय्‌गु बिचाः यानादी।

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

यशैया 7:16

व मचां मभिंयात त्‍वःतेगु व भिंयात ल्‍यय्‌गु सी न्‍ह्यः हे छन्‍त ख्‍याच्‍वः बीपिं निम्‍ह जुजुया देय् झिजांमिजां जुइ।

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

योना 3:10

इमिसं छु छु यात, इमिसं गुकथं मभिंगु ज्‍या त्‍वःतल फुक्‍क स्‍वयाः परमेश्‍वरं थःगु मन हीकादिल। वय्‌कलं इमित नाश याये धकाः क्‍वःछिनादीगु जूसां नाश याना मदिल।

योना 4:10

परमप्रभुं धयादिल, “छं छुं हे मयासें, पि हे मप्‍युसे चान्‍हय् ह्वयाः चान्‍हय् हे सीगु फसिमा खनाः छं नुगः मछिंकल।

मत्ती 18:33

जिं छन्‍त दया याना थें छं नं थःनापं ज्‍या याइम्‍ह च्‍यःयात दया याये म्‍वाः ला?’

व्‍यवस्‍था 1:39

छिमिसं ज्‍वना यंकी धकाः धाःपिं भिं व मभिं मस्‍युनिपिं छिमि मचाखाचात धाःसा अन दुहां वनी। जिं व देश इमित बी अले इमिसं हे उकियात अधिकार याइ।